1 Korintus 10:31 - Kaili Ledo

³¹ Jadi sampesuvu-sampesuvu, nuapa-nuapa rapoviamiu, nau mangande nau manginu, nau povia ntanina, povia puramo ala Alatala rabila bo ratoiya.

1 Korintus 10:31 ပူးပေါင်းရင်းမြစ်များ

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

1 Korintus 7:34

sampe pekirina matebagi-bagi. Mombine-mombine domo noberei bo randaa-randaa namala mompakasangu pekirira ka i Pue. Nipekirikara berimba katuvura bo pekiri rara ntaira mamala magasa ri panggita nu Alatala. Tapi mombine-mombine nobereimo kana mompekirika mpengaya-ngaya ri dunia hitu. Kana rapekirikara berimba mompakadamba rara bereina langgai.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

Kolose 3:23

Nuapa-nuapa raparentara ka komiu, poviamo ante mpuu-mpuu raramiu. Rekemo komiu ledo aga nokarajaa nantulungi manusia, tapi komiu nantulungi i Pue.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!