1 Korintus 10:16 - Kaili Ledo

¹⁶ Tempo kita nanginu uve anggur nantora raa i Kristus natiti ri kayu salib, niulita tarima kasi ka Alatala bo nanginu sanggani-nggani. Haitu tandana kita todea i Kristus anu nitolosiNa ante raaNa. Bo tempo kita notubi-tubi roti bo nangande nosanggani-nggani nantora kamate i Kristus, haitu tandana kita bagia nu karo i Kristus.

1 Korintus 10:16 ပူးပေါင်းရင်းမြစ်များ

Lukas 22:17

Naupu sia i Yesus nangala saboda uve anggur bo niuliNa tarima kasi nte Alatala. Pade niuliNa ka anaguruNa, “Alamo uve anggur hitu bo inumo, saito-saito.

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 20:11

Naliu haitu, nompene vai i Paulus hau ri tombi nikasiromura haitu, bo nitubi-tubina roti bo ira nangande nosanggani-nggani. Naupu nangande, notesa vaimo ia sampe naeo. Naupu haitu nalaimo ia.

Suro-Suro 20:7

Bongi Aka, kami nasiromu nangande nosanggani-nggani ante topomparasaya ri ngata Troas. I Paulus notesa sampe tanga bongi, apa patujuna maile mpadondona mompapola polipana.

1 Korintus 1:9

Alatala namala raparasaya mompakadupa pojanjiNa ka kita. Bo Iamo nompokio komiu majadi nosangu rara ante AnaNa Yesus Kristus, Tuputa.

1 Korintus 10:15

Komiu tona napande, jadi coba taseremiu mboto tesaku hitu bara nakana bara ledo.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.