1 Korintus 10:14 - Kaili Ledo

¹⁴ Jadi sampesuvu-sampesuvu nipotoveku, haitumo sabana kuuli ka komiu, nee mpuu metupu nte tupu-tupu ntanina.

1 Korintus 10:14 ပူးပေါင်းရင်းမြစ်များ

Suro-Suro 15:20

Tapi kita kana motulisi sura manguli ka ira nee mangande kandea anu naruto sabana nipesomba ka tupu-tupu ntanina, bo nee mangande bau nu binata nikoje, anu ledo nisuvuraka raana, bo nee mangande raana. Bo muni ala ira nee mosampaturu ante tona ledo bereira mboto.

Roma 12:19

Sampesuvu-sampesuvuku. Nee rabalasi tona novia daa nte komiu, tapi palambamo Alatala mombabalasi ira. Sabana riara Buku Gasa nitulisi ivei: <> Ivesia tesa nTupu. Ulangan 32:35

1 Korintus 10:15

Komiu tona napande, jadi coba taseremiu mboto tesaku hitu bara nakana bara ledo.

1 Korintus 10:19

Jadi nuapa patuju ntesaku hitu? Panguliku nakana tupu-tupu ntanina haitu? Naria gunana kandea nipakandeka tupu-tupu ntanina? Natantu ledo!

1 Korintus 10:7

Jadi nee kita metupu nte tupu-tupu ntanina mpo anu nipovia roara ntanina. Riara Buku Gasa naria nitulisi pokainggura tempo nombasomba japi bulava haitu ivei: “Todea haitu nonturo nangande nompebasa, nanginu, nosusa-susa sampe nadea poviara ledo masipato.” Pesuvu 32:6

2 Korintus 11:11

Nuapa sabana yaku ledo nadota nompakantamo komiu? Bara raulimiu ledo nipotoveku komiu. Ledo nakana! Nisani nu Alatalamo nipotoveku komiu!

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 12:19

Nipekirimiu tesa kami hitu bara aga manjaliku karo kami ri ngayomiu? Sampesuvu-sampesuvu nipotoveku, ledo ntoto nakana! Pura-pura hitu nitesa kami sabana kami nosangu rara nte i Kristus bo Alatala mboto nanggita kami. Pura-pura anu nipovia kami, nipovia ala mompakaroso pomparasayamiu.

2 Korintus 6:17

“Jadi, palaisimo tona anu ledo nosisani nte Yaku, bo kavaosimiumo ira! Ane ledo ratuimiu anu naruto ri panggitaKu, Kutarima komiu.” Yesaya 52:11

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Filipi 4:1

Jadi, sampesuvu-sampesuvu nipotoveku bo nipolentoraku. Komiu mpuu-mpuu nompakadamba raraku, bo nasana mpuu raraku sabana pomparasayamiu asele pokarajaaku nompatolele Kareba Belo. Nantora anu niuliku pangane, nee molengga-lengga momparasaya bo mangoseaka i Pue Yesus.

Filemon 1:1

Filemon, sampesuvu nipotove kami bo roa kami sampokarajaa: Sura hitu lako nte yaku, i Paulus, anu nitarunggu sabana nompatolele kareba i Yesus Kristus, bo lako nte i Timotius sampesuvuta sampomparasaya. Sura hitu nitulisi ka iko,

Ibrani 6:9

Sampesuvu-sampesuvu nipotoveku, naupa ivesia tesaku, niparasaya kamimo komiu ledo mpo tana rapindasi haitu. Niparasaya kami naria asele nabelopa nte komiu, haitumo pomparasayamiu bo pokainggumiu masipato ka tona nipakasalama.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

1 Yohanes 5:21

Sampesuvu-sampesuvu nipotoveku. Jagaimo, nee metupu nte tupu-tupu anu ledo nakana. Tabe lako nte yaku, Yohanes

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

Pompakita 2:14

Tapi da nariapa bara sako-ngaya inggumiu anu ledo nipodambaKu. Naria tona nte komiu nangoseaka pepatuduki i Bileam nggaulu. I Bileam nompatuduki Magau Balak mompakanavu toIsrael riara dosa. Nipatudukina ia mompakeni ira mangande kandea nipopali sabana nipakande ka tupu-tupu ntanina, bo nompatuduki ira ledo makuya mosipogau nte tona ledo bereina mboto.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.