1 Korintus 10:11 - Kaili Ledo

¹¹ Haitu pura-pura najadi nte ira ala mompopatora ka tona ntanina. Bo kajadia-kajadia haitu nitulisi riara Buku Gasa ala majadi pepatora ka kita anu natuvu sii-sii ri tempo napara kaupu nu dunia.

1 Korintus 10:11 ပူးပေါင်းရင်းမြစ်များ

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 13:40

Eva jono nipasiromu bo nipalabu riara apu, ivesia muni anu majadi ri Kaupu nu Dunia.

Roma 13:11

Poviamo pura-pura haitu, apa nisanimiu sii-sii temponamo kita membangu lako ri paturuta bo mainga. Kita kana mainga sabana kakava i Kristus mompakasalama kita naparapa sii-sii pade tempo kita pamulana nomparasaya Ia.

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Roma 4:23

Nitulisi ri Buku Gasa ivei: <> Tesa haitu ledo aga nipambela ka i Abraham,

1 Korintus 10:6

Haitu pura-pura najadi jonjo mompopatora ka kita ala kita nee maino ka anu nadaa mpo anu nipovia ntotuata haitu.

1 Korintus 7:29

Sampesuvu-sampesuvuku, patujuku ivei: kita topomparasaya kana mantora tempota domo masae. Jadi nompamula sii-sii tona nobereimo nee aga mompekirika bereina.

1 Korintus 9:10

Natantu kitamo nipatujuNa ante tesa haitu! Tesa haitu nitulisi rarapaka katuvuta manusia. Topopajeko bo topomporo kana mokarajaa ante manjarumaka mantarima sabagia lako ri asele ntana nikarajaara haitu.

Galatia 4:24

Tesa hitu najadi gambara ka kita. Randua mombine haitu nirapaka rongaya pojanji nu Alatala. I Hagar nirapaka pojanji nipovia nu Alatala nte todeaNa ri Bulu Sinai, haitumo Atura agama. Pura-pura tona anu nompasimbuku nangoseaka Atura agama natuvu mpo batua.

Filipi 4:5

Kusarumaka pura-pura tona manggita kabelo raramiu. Toramo! Domo masae makava i Pue Yesus.

Ibrani 10:25

Nee menonto masiromu metupu mosanggani-nggani, mpo kabiasa ntona sanu. Tapi kita kana mosipakaroso rara, nelabipa sii-sii sabana nisanita naparamo kakava i Yesus.

Ibrani 10:37

Sabana riara Buku Gasa nitulisi ivei: “Domo ntoto masae, Ia anu makava haitu, makava mpuumo. Ia ledo mombasoro-soro kakavaNa haitu.

1 Yohanes 2:18

Sampesuvu-sampesuvu nipotoveku, naparamo kaupu dunia. Niepemiumo bara ipia, kana meonga saito anu niuli Bali i Kristus. Bo sii-sii nadeamo tona neumba nobali ka i Kristus. Haitu tandana naparamo kaupu dunia.