1 Korintus 1:8 - Kaili Ledo

⁸ Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 1:8 ပူးပေါင်းရင်းမြစ်များ

Lukas 17:24

Sabana tempo Yaku makava mpanjili ngena, kakavaKu malanto rakita ri umba-umba dunia, nasimbayu mpo kila novende ri laerava bo nombavanta njumangu langi.

Lukas 17:30

Ivesia muni pokainggu ntona bara maipia tempo Yaku, Ana nu Manusia makava.

Roma 14:4

Roata haitu batua nu Alatala, ledo batuata. Ledo masipato kita manjalai batua ntona ntanina. Bara makana bara masala batua haitu, haitu urusa nu tuana mboto, ledo urusata. Bo tona nangande mpengaya-ngaya kandea haitu tantu rareke nakana sabana Tupu nakuasa nombatulungi ia novia anu nakana.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

1 Korintus 5:5

kutudu komiu mombadekei tona haitu riara kuasa Magau nu Seta. Povia ivesia ala karona rahuku bo kaupuna nyawana rapakasalama tempo i Yesus makava mpanjili ri dunia.

2 Korintus 1:13

Apa anu nitulisi riara sura kami aga anu nalanto rabacamiu bo rapahamiu, ledo ria patuju ntanina nitabuniaka riarana. Sii-sii dopa nipahamiu ntoto patuju kami. Tapi nisarumakaku makava tempona rasanimiu mpuu-mpuu patuju kami, ala tempo i Pue Yesus makava bara maipia komiu madamba mompekirika kami nasimbayu mpo kadamba kami nompekirika komiu.

2 Korintus 1:21

Alatala mboto mompakaroso kita pura-pura ala kita mosangu rara ante i Kristus. NipelisiNa kita majadi todeaNa

Efesus 5:27

I Kristus novia ivesia ala kita todeaNa majadi masipato mantingayo Ia, nasimbayu mpo boti mombine anu nagaya mpuu ri panggita nu bereina, nagasa bo nabelo ntoto, anu ledo nakura nuapa-nuapa, bo ledo ria nuapa-nuapa rasalai.

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Kolose 1:22

Tapi, sii-sii Alatala nompoposinggabelo mpanjili komiu ante Ia sabana kamate i Kristus. I Kristus nombadekei karoNa rapatesi ala komiu majadi magasa, bo komiu ledo masala atau makura ri panggitaNa.

Kolose 2:7

Katuvumiu nosangu rara nte Ia kana masimbayu mpo kayu nandate kalena, bo banua da kapombangu-banguna ri bavo pandasi naroso. Komiu kana mantambai karoso pomparasayamiu, evamo nipatuduki ka komiu. Bo komiu kana masaro mosukuru nte Alatala.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 5:2

Apa nisanimiu mboto kakava i Pue Yesus bara maipia masimbayu mpo kakava ntopangangga bongina tempo ledo nisani-sani ntona.

2 Tesalonika 2:2

nee masalisa gaga maingu atau masesa raramiu ane raepemiu tona manguli nakava mpanjilimo i Pue Yesus. Nee maingu, nau rauli ntona kareba haitu lako ri Nosa Gasa, bara raulira kami mboto bara anu nitulisi kami riara sura.

2 Tesalonika 3:3

Petulungi i Pue Yesus ledo maupu-upu! Ia bate-batena mompakaroso raramiu bo mombajagai komiu lako ri kuasa Magau Seta.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

2 Timotius 1:18

Nisanimu nadea mpuu petulungina ka yaku ri ngata Efesus. Kuperapi i Pue Yesus mompoasi i Onesiforus ri Eo Potangara ri kaupu nu dunia.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

2 Petrus 3:10

Tapi i Pue Yesus mpuu-mpuu makava mpanjili! KakavaNa ledo rasani-sani ntona, nasimbayu mpo kakava ntopangangga. Ri eo haitu langi malipo sanggani ante moni mamangga mpuu mpo suu nu apu oge. Bo pura-pura anu naria ri langi maropu rakande nu apu, bo dunia ante pura-pura isina malipo sanggani.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.