1 Korintus 1:26 - Kaili Ledo

²⁶ Sampesuvu-sampesuvu, toramo katuvumiu bara ipia tempo Alatala nompokio komiu majadi todeaNa. Ledo nadea komiu napande ri panggita ntona ri dunia. Ledo nadea komiu nakuasa bo ledo nadea naria nturona.

1 Korintus 1:26 ပူးပေါင်းရင်းမြစ်များ

Lukas 1:3

Jadi naupu yaku nomparesa pura-pura kajadia haitu pakabelo-belo, nompamula lako ri pantepuuna, nipekiriku nabelopa ane yaku muni motulisi makana sunju ka komiu.

Lukas 10:21

Tempo haitu muni Nosa Gasa nu Alatala nombakuasai i Yesus bo Ia nosambaya nte damba raraNa ivei: “Tata, Komiu Tupu nu langi bo tana! Nosukuru mpuu Yaku sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande, apa ivesiamo dotaMiu.”

Suro-Suro 13:12

Nanggita kajadia haitu, niparasaya nu gubernurmo i Yesus. Nokumaa mpuu ia nangepe tesa i Pue Yesus, anu nipepatudukika i Paulus bo Barnabas.

Suro-Suro 17:34

Tapi naria tona lako ri sia nosabingga ka i Paulus bo nomparasaya i Yesus. Saito anu nomparasaya pangane nosanga i Dionisius, ia topolibu ri Bulu Areopagus. Naria muni saito mombine nosanga i Damaris, bo naria muni bara sako-ndua tona ntanina.

Roma 11:29

Apa ane Alatala nompelisi bo nombadekei belo ka tona, ledo rabalikiNa anu nipoviaNa haitu.

1 Korintus 1:20

Jadi nuapa gunana tona napande? Nuapa gunana tona natau? Nuapa gunana tona napande notesa ri dunia hitu? Alatala nompakalanto pura-pura kapande nu manusia ledo ria gunana.

1 Korintus 2:13

Jadi ane kami nompatuduki nombatesa Alatala, kami ledo notesa ante tesa-tesa napande nipatuduki ka kami nangoseaka kapande nu manusia, tapi ante tesa-tesa nipatuduki nu Nosa Gasa ka kami. Kami nombatentei pepatuduki lako nte Nosa Gasa ka tona naria Nosa Gasa haitu.

1 Korintus 2:8

Ledo ria saitoa topoparenta ri dunia nadaa hitu nangisani patuju nu Alatala haitu. Apa ane rapana nisanira patujuNa haitu, natantumo ledo rapakura ri kayu salib i Pue anu nakuasa.

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

2 Yohanes 1:1

Nina ntali ana, anu nipelisi nu Alatala: Sura hitu lako nte yaku, i Yohanes, pakeni ntodea topomparasaya. Yaku mpuu-mpuu nompotove komiu. Ledo aga yaku tapi pura-pura topangisani pepatuduki nakana lako nte Alatala, nompotove komiu muni.