1 Korintus 1:10 - Kaili Ledo

¹⁰ Sampesuvu-sampesuvu, ante kuasa nidekei nTuputa Yesus Kristus ka yaku, kuperapi nte komiu ala komiu mosangu rara. Nemo sampe magero sintuvumiu. Komiu kana masintuvu mosangu rara bo mosangu patuju.

1 Korintus 1:10 ပူးပေါင်းရင်းမြစ်များ

Matius 9:16

Nanguli munimo i Yesus, “Ledo ria tona notampala baju naranta ante kae nabaru. Sabana kae baru haitu mekonjo bo mombabitesi baju ranta sampe mantambai kabitena baju haitu.

Markus 2:21

I Yesus nompapola tesaNa, <

Markus 3:24

Ane maria saito magau bo todeana bate-batena nosipobali, ledo masae mageromo kamagaua haitu.

Yohanes 10:19

Nangepe tesa i Yesus haitu, nosinjanai vai toYahudi.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 7:43

Jadipa todea haitu nosinjanai, sanu nomparasaya i Yesus, sanu ledo.

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

Roma 12:1

Sampesuvu-sampesuvu, Alatala mpuu-mpuu nabelo nte kita! Sabana haitu, kuperapi ante mpuu-mpuu, dekeimo karomiu ka Alatala mpo pesomba natuvu, anu nipatani ka Alatala, anu mompakadamba raraNa. Haitumo ada pesombamiu nakana.

Roma 12:16

Komiu kana matuvu mosintuvu nte roa. Nee malanga raramiu tapi komiu kana masadia mosimporoa ante tona naede katuvuna. Nee rapekiri karomiu napandepa pade kakanana.

Roma 15:30

Sampesuvu-sampesuvu, kita nosangu rara ante Tuputa Yesus Kristus bo kita nosimpotove sabana pokarajaa Nosa Gasa riara ntaita. Sabana haitu, kuperapi nte komiu, pekakaimo mpuu-mpuu nte Alatala mosanggani-nggani ante yaku, mosambaya ka yaku.

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

1 Korintus 1:11

Niuliku ivesia sabana naria ira lako ri banua i Kloe nanguli ka yaku sanu komiu nosipobali.

1 Korintus 11:18

Paratama, niepeku ane komiu nasiromu, komiu natebagi-bagi bo nosinjanai. Bo tantu nakana sanu kareba haitu.

1 Korintus 12:25

Ivesiamo karota matuvu masiayu bo pura-pura sipa mosioseaka.

1 Korintus 3:3

apa komiu da nangoseaka dota raramiu nadaa. Komiu da nasiriati bo nosipobali. Pokainggu ivehaitu nompopakita komiu da nangoseaka dota raramiu nadaa nasimbayu mpo tona ledo nosisani ante Alatala.

1 Korintus 4:16

Yaku nompotove komiu mpo anaku mboto. Jadi haitu sampe yaku mpuu-mpuu merapi nte komiu, pasialamo pokaingguku.

2 Korintus 10:1

Hitupa yaku, Paulus, naria anu kuperapi nte komiu. Sanu tona ri situ nanguli yaku nabia notesa ri suraku, tapi ane nantingayo komiu, pangulira yaku aga naeka bo ledo nabia nanguli ri mata. Jadi ante raraku naede bo nalusu, nasimbayu mpo rara i Kristus,

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

2 Korintus 13:9

Nadamba mpuu rara kami ane kami nalente, asaa komiu maroso momparasaya. Jadi kami bate-batena mosambaya ala pokainggumiu majadi mabelo pura.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Galatia 4:12

Sampesuvu-sampesuvuku, kuperapi ante mpuu-mpuu raraku ala rapasialamiu pokaingguku. Sabana naupa toYahudi yaku, domo nioseakaku ada-ada ntoYahudi, ala majadi masimbayu nte komiu tona ledo toYahudi. Komiu nabelo mpuu nte yaku bara ipia.

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

Filipi 3:16

Tapi anu nisanitamo kana batena raoseakata.

1 Tesalonika 5:13

Bilamo ira bo potovemo ira ante mpuu-mpuu raramiu, sabana ira mpuu-mpuu nokarajaa nantulungi komiu. Bo komiu kana matuvu mosinggabelo ante roamiu pura-pura.

2 Tesalonika 2:1

Kapolana, sampesuvu-sampesuvu. Kami madota motesa sakide ka komiu anu majadi tempo Tuputa Yesus Kristus makava mpanjili bo kita rapasiromu mosanggani-nggani ante Ia. Kami mpuu-mpuu merapi,

1 Timotius 5:21

Timotius, ri ngayo Alatala bo i Yesus Kristus bo malaeka-malaekaNa anu nipelisiNa, kuuli ka iko: oseakamo parenta-parenta nitesaku pangane ante noa rara. Nee mompelenje bo nee manjairaka.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.