तीतुस 2:5 - राना थारु नयाँ नियम

⁵ और शान्तसे ब्यबहार करन बारी, अपने लोगनके अग्गु बफादार होन बारी, अपने घरके रेखदेख करन बारी, दुस्रेनके उपर दया दिखान बारी और अपने-अपने लोगनको अधिकारके सम्मान करन बारी होमएं, ताकी कोइ फिर परमेश्वरको सन्देशके बारेमे परमेश्वरके बदनाम कर नाए पामएं।

परमेस्वर को सच्चो वचन

⁵ बे अपने बलबूते खड़ी और सुद्ध, घर को काम-काज करन बारी, भली और अपने लोगा के अधीन रहन बारी होमैं, ताकी कोई भी परमेस्वर के बचन की बुराई ना होबै।

तीतुस 2:5 ပူးပေါင်းရင်းမြစ်များ

प्रेरित 9:36

योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।

प्रेरित 9:39

तओ पत्रुस उठके बिनके सँग गओ। हुवाँ पुगके बे बोके उपरके तल्लामे लैगए। और सबए बिधुवा बिनके ढिँगै ठाणके रोन लागीं। बो बिधुवा, पत्रुसके बे सब कुर्ता दिखाइ, जौन लत्ता डोरकास जिन्दा रहात पेती बनाइ रहए।

रोमियों 14:16

जहेमारे हुइ सकत हए तुम जो काम कर रहेहओ बो अच्छो हए, लेकिन अगर कोइ औ आदमी बो कामसे बुरो मानत हए कहेसे बो कामके मत् करओ।

रोमियों 2:24

काहेकी पबित्र-शास्त्रमे जा लिखो हए, “तुम यहूदीके बुरे कामके कारण गैर-यहूदी आदमी परमेश्वरको नाउँके बदनाम करत हएं।”

1 कोरिन्थी 11:3

पर मए चाँहत हओं, कि तुम एक बात जानलेओ, कि हर आदमीको अगुवा ख्रीष्ट हए, एक बैयरको अगुवा बोको लोगा हए, और ख्रीष्टको अगुवा परमेश्वर हए।

1 कोरिन्थी 14:34

कुछ आदमीनको कहाइ जा हए, कि मण्डलीनकी बैयरनके चुप रहान चाहो और नाए सिखान चाहो। और कुछ औ आदमीनको कहाइ हए, कि बे बादबिबादमे भाग लेन नाए चाहो, काहेकी उनके बात करनको अनुमति नाए हए, पर अधिनमे रहानको आज्ञा हए: जैसे पबित्र-शास्त्रमे लिखो फिर हए।

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

कलस्सी 3:18

हे बैयर आदमी, तुम अपने लोगाके अधीनमे होन चाहो, काहेकी प्रभुके पिच्छु लागन बारेके ताहीं अइसियए करन ठिक हए।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 6:1

सब बिश्वासी जो कमैया हएं, उनके हर तरिकासे अपने-अपने मालिकन्को आदर करन पणत हए, ताकी अन्य आदमी परमेश्वरको बदनाम और हमर शिक्षाके अपमान नाए करएं।

तीतुस 2:4

ताकी बे एक अच्छो उदाहरण बनपामएं, और जवान लौंणीया और बैयरनके सल्लाहा देनके योग्य होमएं, ताकी अपने लोगासे और बच्चनसे प्रेम करएं।