रोमियों 9:17 - राना थारु नयाँ नियम

¹⁷ काहेकी पबित्र-शास्त्रमे परमेश्वर मिश्रदेशको राजासे अइसे कहात हए, “मए तोके जाकेमारे राजा बनाओ हओं, कि तोएमे अपनो शक्ति दिखाए पामओं, और मिर नाउँको परचार जा संसारके सब आदमीनमे होए।”

परमेस्वर को सच्चो वचन

¹⁷ काहैकि पवित्र सास्त्र मिस्र के राजा फिरौन से कहो गौ, “मैं तोकै तभईये ठड़बाओ हौं कि तेरे मैं हुईकै अपनी सामर्थ्य दिखामौं, और मेरे नाओं को प्रचार पूरी दुनिया मैं होबै।”

रोमियों 9:17 ပူးပေါင်းရင်းမြစ်များ

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

रोमियों 11:4

पर परमेश्वर एलियासे कही, “मए अपने ताहीं सात हजार आदमीनके धरे हओं जौन झुठे बाल देवताके अग्गु बोको आराधना करन घुँटो नाए टेकी हएं।”

गलातियों 3:22

पर पबित्र-शास्त्र कहात हए, कि जा संसारके सब आदमी पापकी शक्तिके अधीनमे हएं। ताकी बो उपहार, जोके परमेश्वर बिश्वासके आधारमे देनके नयाँ करार करी रहए, बो उपहार बेहीं आदमी पामएं जो येशू ख्रीष्टमे भरोसा करत हएं।

गलातियों 3:8

और परमेश्वर पबित्र-शास्त्रमे बहुत पहिले कही हए, कि परमेश्वर गैर-यहूदीनके बिश्वासके द्वारा अच्छो समाचारसे धर्मी ठहिराबैगो, जा होनसे पहिलीए परमेश्वर अब्राहामके जा अच्छो बचनके पबित्र-शास्त्रमे बताए दइ रहए, कि “तेरे द्वारा, सब जातिके आदमी आशिष पामंगे।”

गलातियों 4:30

जाके बारेमे पबित्र-शास्त्र का कहात हए? “टहालुनिया बैयर और बोको लौंणाके दुर पठाएदे, काहेकी टहालुनियाको लौंणाके ठिन दौवाको सम्पति मैसे कुछु फिर नाए होनचाहो; जा दौवाक बैयरको लौंणाके मिलन चाहो जो टहालुनिया नाए हए।”