रोमियों 6:16 - राना थारु नयाँ नियम

¹⁶ तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

परमेस्वर को सच्चो वचन

¹⁶ का तुम ना जानथौ, कि जो कि आग्या मानन ताहीं तुम अपने आपकै दास के हानी सौंप देथौ बहे के दास हौ: और जोकी मानथौ, चाँहे पाप के, जोको अंत मौत है, या चाँहे आग्या मानन बारे होमैं जोको अंत धार्मिकता है, जोके फलस्वरूप परमेस्वर के संग सई करो जाएरौ है।

रोमियों 6:16 ပူးပေါင်းရင်းမြစ်များ

मत्ती 20:4

और जमिनदार कही, “तुम फिर अंगुरको बारीमे काम करनके जाओ, और जो ठिक देहाणी हए बो मए तुमके देमंगो।”

मत्ती 6:24

कोइ आदमी एकए समयमे दुई मालिकको सेवा नाए करपएहए। काहेकी बो एकके हेला करैगो और दुस्रेके अपनए कता प्रेम करैगो। और बो एककेसँग मिलो रएहए और दुस्रेके बो खराब बतएहए। उइसीयए तुम फिर एकए समयमे परमेश्वर और धन दोनएको सेवा नाए करपए हओ।

यूहन्ना 8:34

येशू बिनके जबाफ दइके कही, “नेहात्तओ, मए तुमसे कहात हओं गलत काम करन बारे सब जनै पापके कब्जामे हएं।

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

रोमियों 6:17

तुम पापको कमैया होए करत रहओ, पर अब तुम बहे शिक्षन्के पालन करेहओ, जो तुमके मिलो। जहेमारे मए परमेश्वरके धन्यबाद करत हओं।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

1 कोरिन्थी 5:6

घमण्ड करन बन्द करओ; का तुम नाए जानत हओ, कि थोडी खमिर पुरो मणो भओ चुनके फुलाए देतहए। उइसीयए, अगर एक आदमीके पाप करनके अनुमति दओ जातहए, तओ जल्दीए सब बहे काम करनके ताहीं लोभ करत हएं।

1 कोरिन्थी 6:2

नेहात्तओ तुम जानत हओ, कि भबिष्यमे परमेश्वरके पबित्र आदमी जा संसारके आदमीनके न्याय करंगे। और जब तुम संसारके आदमीनको न्याय करत हओ कहेसे का तुम अपन बीचमे भए छोटे-छोटे मामलाके फैसला करन योग्यके नाए हओ?

1 कोरिन्थी 6:3

तुमके पता हए, कि भबिष्यमे हम शैतानको दूतनको न्याय करंगे, तओ निश्चित रुपसे हम जा जीबनको मामलाके न्याय कर सकत हएं।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

1 कोरिन्थी 9:13

का तुम नाए जानत हओ, कि मन्दिरमे काम करन बारे आदमीनके मन्दिरसे अपनो खानु मिलत हए? हाँ, जो आदमी बेदीमे बलि देत हएं, उनके बहे बलि करो भओ मैसे हिस्स मिलत हए।

1 कोरिन्थी 9:24

उइसीयए हमके बे सब कुछ करन चाहो जोमे हम परमेश्वरके खुसी कर सकत हएं। ताकी हम बो इनाम पाए सकएं, जो परमेश्वर भबिष्यमे देबैगो।

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।