रोमियों 1:26 - राना थारु नयाँ नियम

²⁶ जहेमारे परमेश्वर बिनके शर्म लागन बारो कामके ताहीं छोड दइ; हियाँतककी बैयर अपनो लोगाके सँग सोनके बन्द करदइं और जाके बदला बे दुसरी बैयरके सँग सोन लागीं।

परमेस्वर को सच्चो वचन

²⁶ तभई परमेस्वर उनकै बेकार इच्छा के वस मैं छोड़ दई; हिंयाँ ले की उनकी बईंय्यरौं जो अपने लोगा संग सम्बंध रखनो चाहिए रहै छोड़कै परायन के संग गलत सम्बंध रखन लागीं।

रोमियों 1:26 ပူးပေါင်းရင်းမြစ်များ

रोमियों 1:24

जहेमारे परमेश्वर उनके उनको मनको अभिलाषाके अनुसार नैतिक रुपसे अशुद्धके ताहीं छोड दइ, ताकी बे बुरे काम करके अपनी शरीरके अनादर करएं।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

इफिसियों 4:19

बे अब खराब काम करनके ताहीं दोषी महसुस नाए करत हएं, जहेमारे उनके अपनए खराब काम करनके ताहीं दइ हए। बे लगातार सब मेलके अनैतिक काम करत हएं, और बे कभी फिर जे चिजनके छोडन नाए चाँहत हएं।

इफिसियों 5:12

काहेकी अबिश्वासी, गुप्तमे करेभए कामके बारेमे काहन फिर सरमकी बात हए।

1 तिमोथी 1:10

यौन सम्बन्धके रुपसे गलत काम करन बारे, समलिंगी। बे आदमी, जो दुस्रे आदमीके चुराएके उनके गुलामीके रुपमे बेचत हएं, ठगन बारे आदमी। बे आदमी, जो जब फिर ठगत हएं जबकी बे सच्चो मस्कनको वादा करेहोत हएं। बे आदमी, जो सब कुछ करत हएं जोसे सही शिक्षा देनसे हमके मनाही करत हएं।

यहूदा 1:10

पर परमेश्वरको आराधना नाए करन बारे आदमी नाए बुझी भइ बातके बुराइ करके खराब शब्द प्रयोग करत हएं, और जब बे जंगली जानबर कता ब्यबहार करत हएं और बिना सोँचेसम्झे उनके पता भइ बात करत हएं, तओ परमेश्वर बिनके दण्ड देबैगो।

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।