प्रकाश 6:9 - राना थारु नयाँ नियम

⁹ जब थुमा पाँचौँ मोहर खोली, तओ बेदी तरे मए बिनको आत्मनके देखो जौननके मारडारी रहए काहेकी बे परमेश्वरके बचनके प्रति और बहे सन्देशके प्रति बिश्वासयोग्य रहएं, जो उनके मिलो रहए।

परमेस्वर को सच्चो वचन

⁹ तौ मेम्ना पाँचवी मुहर कै तोड़ी। मैं बेदी के नीचे बे लोगन की जान देखो जो मारे गै रहैं काहैकि बे परमेस्वर को बचन पूरे मन से सुनाई रहैं और अपनी गभाई मैं भरोसेमंद रहैं।

प्रकाश 6:9 ပူးပေါင်းရင်းမြစ်များ

यूहन्ना 16:2

बे तुमके यहूदी सभाघरसे निकार देहएं। पर अइसो समय फिर आबैगो, कि जो कोइ तुमके मार डारैगो बो जा सम्झैगो, कि मए परमेश्वरको सेवा करत हओं।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

फिलिप्पी 1:23

काहेकी मोके जे दुई मैसे कौनछो छानन पणैगो बो मए नाए जानतहओं। मन त लगत हए, कि मरके ख्रीष्टके ठिन जाओं काहेकी जा बहुत अच्छो हए।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 4:6

मए तोके जे सब आज्ञा देत हओं, काहेकी मिर जीबन और मिर जीबनको बलिदान मैसे भओ परमेश्वरको काम दुनौ निभटन लागे हएं। और मए जानत हओं, कि जल्दीयए मए मरजामंगो।

हिब्रू 12:23

तुम परमेश्वरको सबसे बडो सन्तानको मण्डलीके सभामे आए हओ, जौननको नाउँ स्वर्गमे लिखेहएं। बे स्वर्गमे रहान बारे बेहीं धर्मी आदमीनको आत्मा हएं जौननके अब सिद्ध बनाओ गओ हए। तुम अपनए परमेश्वरके ठिन आए हओ, जो सब चिजनके उपर न्यायी हए।

प्रकाश 1:2

यूहन्ना अपन देखो भओ सब चीज लिखी अर्थात् जा परमेश्वरसे आओ भओ सन्देश हए और येशू ख्रीष्टको कहो भओ सब बात हए।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 14:18

ठिक बहे बेरा औरो स्वर्गदूत मन्दिरसे बाहिर आओ, जौन बेदीमे धुप पजारन बारो काम करत रहए। बो जोडसे, पैनो हँसिया भओ स्वर्गदूतसे कही, “पृथ्वीमे भए अंगुरको झोँथा पुरए पक्गए हएं, बोके अपनो हँसियासे काट।”

प्रकाश 16:7

फिरसे मए बेदीसे कोइके मस्कत सुनो, “हाँ, सर्बशक्तिमान परमप्रभु परमेश्वर, नेहात्तओ तुमर आदमीनको सजाय देन बारो तरिका ठिक और सत्य हए।”

प्रकाश 19:10

जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।

प्रकाश 8:3

हुवाँसे, एक औ स्वर्गदूत आओ और धुपको बेदीके ठिन ठाणीगओ। बो स्वर्गदूत धुप जलानके ताहीं सोनोसे बनो भओ कटोराके लैके आओ, और बोके सब आदमीको प्राथनाके सहित जलानके ताहीं बहुत जद्धा धुप दओगओ। तओ बो धुप और आदमीनको प्राथना, परमेश्वरके सिंहासनके अग्गु सोनोको बेदीके उपर जलाए दइ रहए।

प्रकाश 9:13

जाके पिच्छु, छैठौँ स्वर्गदूत अपन तुरही फुँकी। जब बो जाके बजाई, तओ मए परमेश्वरके अग्गु धुप जलान बारो सोनोको बेदीके चारौ कोनोसे मए एक अबाज सुनो।