प्रकाश 4:4 - राना थारु नयाँ नियम

⁴ बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।

परमेस्वर को सच्चो वचन

⁴ बौ सिंहासन के चारौ घाँईं के घेरा मैं चौबीस सिंहासन रहैं, जिनमैं चौबीस बड़े-बूढ़े सफेद लत्ता पहने और सोने के मुकुट पहने बैठे रहैं।

प्रकाश 4:4 ပူးပေါင်းရင်းမြစ်များ

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

लूका 22:30

ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

प्रकाश 11:16

तओ चौबिसौ धर्मगुरु जो परमेश्वरके अग्गु अपने-अपने सिंहासनमे बैठे रहएं, बे सब सिंहासनके अग्गु घुपटा पणे और परमेश्वरके आराधना करीं,

प्रकाश 14:3

एक लाख चवालीस हजार आदमी सिंहासनके अग्गु, चार जिन्दा प्राणी और धर्मगुरुनके अग्गु बे एक नयाँ गीत गानडटे रहएं जो गीत बेहीं इकल्ले सिखपात रहएं। बेहीं हएं जौनके परमेश्वर पृथ्वीमे रहान बारे आदमीनके बीचसे छुणाइ रहए।

प्रकाश 19:14

स्वर्गके बहुत सेना बाके पिच्छु-पिच्छु लागे रहएं। बे फिर सेतो घोडामे सवार रहएं और बे सेतो मलमलको कपडा लगाए रहएं, जोमे एकौ दाग नाए रहए।

प्रकाश 19:4

और बे चौबिसौ धर्मगुरु और बे चार जिन्दा प्राणी घुपटा पणके, सिंहासनमे बिराजमान भओ परमेश्वरके अइसे कहिके दण्‍डवत्‌ करीं, “आमेन, हल्लेलूयाह!”

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।

प्रकाश 3:18

तभीमारे, मए तोके सल्लाहा देहओं, कि आगीसे शुद्ध भओ सोनो मोसे खरिद, ताकी तए नेहात्तओ धनी बनपाबए। तोके अपनए लगान ताहीं सेतो लत्ता फिर किनन पणैगो, जौनके कारण तेरे सँग लता होबए और तए सरममे नाए पडए। और तोके तेरे आँखीमे लगानके ताहीं कुछ मलम फिर किनन पणैगो, ताकी तए देख पाबए।

प्रकाश 4:6

बो सिंहासनके अग्गु समुन्दर कता चौँडो कुछ रहए। जो सिसा कता स्पष्ट रहए। सिंहासनके चारौ किनारे जिन्दा प्राणी रहएं, जौनको शरीर आँखीसे पुरए तुपो रहए।

प्रकाश 5:11

जब मए फिरसे देखो, तओ अचानकसे मए लाखओं-लाख स्वर्गदूतनकी अबाज सुनो, उनकी गिन्ती नाए करोजाए सकत रहए। बे चार जिन्दा प्राणी और बे चौबिस जनै धर्मगुरु, सबए बो राजाके सिंहासनके आसपिस रहएं।

प्रकाश 5:14

तओ चारौ जिन्दा प्राणी, “आमेन” कहीं। और बे धर्मगुरु घुपटा पणके आराधना करीं।

प्रकाश 5:6

फिर मए चार जिन्दा प्राणीनके और चौबिस धर्मगुरुनके बीच सिंहासनके ढिँगै एक थुमाके ठाणो देखो, थुमामे बलिदानको चिन्हा रहए। बक सात सिंग और सात आँखी रहएं; जे परमेश्वरके सात आत्मा हएं जो पुरो पृथ्वीमे पठाए गए हएं।

प्रकाश 5:8

जब बा खलरीको चिट्ठीके लैलै, तओ बे चारौ जिन्दा प्राणी और चौबिसौ धर्मगुरु थुमाके अग्गु झुकीगए; और सब धर्मगुरु एक बिणा और सोनोसे बनो भओ कटोरा पक्णे रहएं। कटोरा धुपसे भरो भओ रहए जो बो धुपको सुगन्ध बे आदमीनको प्राथनाको चिन्हा हए जो परमेश्वरके हएं।

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”

प्रकाश 7:11

सब स्वर्गदूत सिंहासनके चारौ घेन और धर्मगुरुनके और चार जिन्दा प्राणीनके चारौ घेन ठाणे रहएं। बे सब सिंहासनके अग्गु घुपटा पणे और परमेश्वरके आराधना करीं। बे कहीं,

प्रकाश 7:9

जाके पच्छु मए देखो, कि आदमीनको एक इतनी बणी भिड रहए, कि कोइ फिर बे सबके नाए गिनपैतो। बे संसारके हर जाति, कुल, राष्ट्र और भाषासे रहएं। बे सिंहासन और थुमाके ठिन ठाणे रहएं। बे सेतो लत्ता पैँधे रहएं और सबए आदमी अपने-अपने हातमे, खजुरिक हँगा पक्णे रहएं, जोकी सम्मानको चिन्हा रहए।

प्रकाश 9:7

जे टिंण्हा घोडा कता दिखात रहएं, जो युद्धमे जानके ताहीं तयार रहएं। बे अपने मुणमे कुछ पैँधे रहएं जो सोनोको मुकुट जैसो दिखात रहए। उनको मुँहुँ आदमीनको मुँहुँ कता रहएं।