प्रकाश 4:1 - राना थारु नयाँ नियम

¹ जे सब घटना होनके बाद मए, यूहन्ना देखो, कि स्वर्गमे एक फाटक खुलो रहए। तओ मए फिर बहे अबाज सुनो जो तुरहीको अबाज कता मोसे मस्कनडटो रहए। बो मोसे कही: “मेरे ठिन हियाँ उपर आ, और अब जाके पच्छु जो होबैगो बहे मए तोके दिखामंगो।”

परमेस्वर को सच्चो वचन

¹ जे बातन के बाद मोए एक और दर्सन भौ और मैं स्वर्ग मैं एक खुलो फाटक देखो। और बौ अबाज जो तुरहई जैसो बजत रहै, जो मोसे बोलत भै सुनो, बौ कही, “हिंयाँ ऊपर चढ़या, और मैं तोकै दिखांगो कि जाके बाद का होगो।”

प्रकाश 4:1 ပူးပေါင်းရင်းမြစ်များ

मत्ती 3:16

और येशू बप्तिस्मा लैके तुरन्त पानीसे निकरके आतए खीना येशू स्वर्ग उघरो देखी, और परमेश्वरको आत्मा कबुतरके रुपमे अपन उपर उतरत देखी।

मर्कूस 1:10

पानीसे निकरके आतए खीना येशू स्वर्ग उघरो देखी, और पबित्र आत्माके कबुतरके रुपमे अपन उपर उतरत देखी।

लूका 3:21

जब सब आदमी बप्तिस्मा लइं, तओ येशू फिर बप्तिस्मा लैके परमेश्वरसे प्राथना करत रहए, तओ येशू स्वर्ग उघरो देखी।

यूहन्ना 16:13

जब बा परमेश्वरके बारेमे सच्चाई प्रकट करन बारो आत्मा आबैगो। तओ आत्मा तुमके, परमेश्वरके बारेमे जो फिर सत्य हए कहिके जाननको कारण बनैगो, काहेकी सल्लाहकार अपनी अधिकारसे नाए मस्कत हए। बल्कि सल्लाहकार परमेश्वरके घेनको बात सुनैगो और बहे बताबैगो, और आन बारी बात तुमके बताबैगो।

प्रेरित 10:11

स्वर्ग उघरो और हुवाँसे एक बडो तन्ना चारौ कोनेमे बँधो कता पृथ्वी घेन झरनडटो देखी।

प्रेरित 7:56

और कही, “देखओ, मए स्वर्ग खुलो भओ देखो हओं और आदमीको लौंणाके परमेश्वरको दहिने घेन ठाणो मए देखरहो हओं।”

प्रकाश 1:10

बिश्वासीनके ताहीं आराधनाके दिनमे परमेश्वरको आत्मा मिर उपर आओ और मए तुरहीको अबाज कता एक उँची अबाज अपने पच्छुसे आत सुनो।

प्रकाश 1:12

मए जा देखनके ताहीं पच्छु घुमो, कि कौन मोसे बात कररहो हए, और मए सोनेकी बनी भइ सात दिया देखो;

प्रकाश 1:19

जो तए देखत हए बहे लिख, अर्थात् दुनौ चीज, जो अभए हुइ रहो हए और जो पिच्छु होमंगी।

प्रकाश 11:12

जाके पिच्छु, बे दुई आदमी स्वर्गसे एक अगमबक्ताके मस्कत सुनीं, जौन उनसे जोडसे चिल्लाएके कही: “हियाँ उपर आओ!” जब उनके दुस्मन देखन डटे रहएं, तओ बे एक बादरसे लिपटके उपर स्वर्गमे चलेगए।

प्रकाश 11:19

और परमेश्वरको पबित्र मन्दिर जो स्वर्गमे हए, बो खोलो गओ, और बाको मन्दिरमे बाके करारको सन्‍दुक दिखाओगओ, तओ सिंहासनमे बिजुली चमको, बद्रि तड्कनको अबाज और हलाचला आओ और बहुत पत्थर बारो मेँहे बर्षो।

प्रकाश 16:17

सातौँ स्वर्गदूत अपनो कटोरामे भओ चीज हबामे अख्नाइ, और हुवाँ स्वर्गको मन्दिरमे कोइ रहए जो परमेश्वरको सिंहासनसे जोडसे बोली, “मए सब चीज पुरा करदओ हओं।”

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 22:6

जाके पिच्छु स्वर्गदूत मोसे कही: “पहिले बताइ भइ बात सब सच्चे हएं और नेहात्तओ होबैगो। प्रभु परमेश्वर जौन अपनो आत्मा सबए अगमबक्तनके दइ। परमेश्वरए हए, जौन अपनो स्वर्गदूतके आदेश दइ, कि बा अपन सेवकनके जा दिखानके ताहीं हियाँ पठाइ, जो जल्दीयए होन बारो हए।”