प्रकाश 2:13 - राना थारु नयाँ नियम

¹³ मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

परमेस्वर को सच्चो वचन

¹³ मोकै पता है कि तुम कहाँ रहथौ, हूँना जहाँ सैतान को सिंहासन है। फिर भी तुम मेरे नाओं के प्रति सच्चे रहे, और तुम बौ समय भी मेरे ऊपर अपनो बिस्वास नाय छोड़ै, जब मेरो बिस्वास योग्य गभा अन्तिपास के समय मैं कुछ लोगन कै हूँना मारो गौ रहै जहाँ सैतान रहथै।

प्रकाश 2:13 ပူးပေါင်းရင်းမြစ်များ

मत्ती 10:23

जब एक सहरमे परमेश्वरको बचन परचार करत पेती तुम सताए जएहओ, तओ दुस्रे सहरमे भजीयओ, काहेकी नेहात्तओ मए तुमसे कहात हओं, मए, आदमीको लौंणाके आनसे अग्गु तुम इस्राएल देशके सब सहरमे नाए घुम पाबैगे।”

मत्ती 24:9

तओ बे आदमी जौन तुमर बिरोध करत हएं, तुमके संकटके ताहीं सौपदेहएं, और तुमके मरेहएं, काहेकी तुम मोएमे बिश्वास करत हओ और सारा जाति-जातिके आदमी तुमके हेला करंगे।

मत्ती 4:10

तओ येशू शैतानसे कही, “शैतान तए दुर हुइजा! काहेकी पबित्र-शास्त्रमे लिखो हए, तए परमप्रभु अपन परमेश्वरके आराधना करिए, और बाको इकल्लो सेवा करिए।”

लूका 21:17

मिर नाउँके बिश्वास करनके कारण बहुत आदमी तुमर दुश्मन हुइजए हएं।

प्रेरित 22:20

तुमर साक्षी स्तिफनसको हत्या होत मए अपनए फिर जौँणे बैठो हत्यामे सहामत हुइके, बोके मारन बारेनको लत्ता अगोरके बैठो रहओं।’

प्रेरित 9:14

और हियाँ फिर जाके मुखिया यहूदी पुजारीनसे अधिकार मिलो हए, कि जो आदमी तुममे बिश्वास करत हएं, बे सबके पकड लेबए।”

1 थेसलोनिकी 5:21

सब सन्देशको जाँच करओ। जा जाननके ताहीं, कि बे भबिष्यबाणी परमेश्वरके घेनसे हए या नाए हए। अच्छे सन्देशके स्वीकार करओ और पालन करओ।

1 तिमोथी 5:8

पर अगर कोइ अपनुवए नातेदारनकी, खास करके अपनो परिवारको रेखदेख नाए करत हए कहेसे जासे जा साबित होत हए, कि नेहात्तओक बो ख्रीष्टके बिश्वास नाए करत हए, और बो आदमी गैर-बिश्वासीनसे फिर जद्धा खराब हए।

2 तिमोथी 1:13

पक्का कर, कि तए अपने उदाहरणके द्वारा बहे साच्ची शिक्षाके रक्षा करैगो, जो तए मोसे सुनो हए। और तए अइसो, बिश्वास और प्रेमसे कर, काहेकी तए येशू ख्रीष्टके सँग एकजुट भओ हए।

2 तिमोथी 2:12

अगर हम ख्रीष्टके ताहीं दुख सहात हएं, तओ हम बाके सँग राजा कता राज्य फिर करंगे; पर अगर हम बाके जाननसे इन्कार करंगे कहेसे ख्रीष्ट फिर हमके इन्कार करैगो।

हिब्रू 10:23

हम जो आसरा करेहएं बोके मजबुतसे पाकणे रहमएं, काहेकी बाको करोभओ प्रतिज्ञा बा पुरा करैगो कहिके हम परमेश्वरमे बिश्वास करपामएं।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

याकूब 2:7

बे आदमी बेहीं हएं, जो येशू ख्रीष्टके असल नाउँके बिरुद्ध खराब बात मस्कत हएं, जौनसे तुम सम्बन्ध धरे हओ।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 11:3

बो समय मए अपने दुई साक्षीन्के एक हजार दुई सओ साठी दिननके ताहीं मेरे सन्देशनकी घोषणा करनको अधिकार देमंगो। बे शोक करन बारो लत्ता पैँधे होमंगे।”

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

प्रकाश 13:2

जो राक्षस मए देखो, बो चितर कता रहए; और बक पाउँ भलुवा कता और मुँहुँ बघटा कता रहए। अजिंगर जा राक्षसके अपनी शक्ति दइ और बोके पृथ्वीमे राज्य करनको अधिकार दइदइ।

प्रकाश 14:12

तभीमारे जा जरुरी हए, कि परमेश्वरके पबित्र आदमीके जीबनमे आन बारे सबएके दुख सहान पणतए हए। बे परमेश्वरको आज्ञापालन करत हएं। और बिनके येशूमे बिश्वास करन नाए छोडन हए।

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।