प्रकाश 19:10 - राना थारु नयाँ नियम

¹⁰ जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

परमेस्वर को सच्चो वचन

¹⁰ मैं बाकी आराधना करन के ताहीं बाके पाँव झोने गिर पड़ो, लेकिन बौ मोसे कही, “ऐसो मत कर! मैं तुमरे संग और दुसरे विस्वासी भईय्यन को संगी दास हौं, काहैकि ईसु की गभाई भविस्यवाँड़ी की आत्मा है। परमेस्वर की आराधना करौ!”

प्रकाश 19:10 ပူးပေါင်းရင်းမြစ်များ

मत्ती 4:10

तओ येशू शैतानसे कही, “शैतान तए दुर हुइजा! काहेकी पबित्र-शास्त्रमे लिखो हए, तए परमप्रभु अपन परमेश्वरके आराधना करिए, और बाको इकल्लो सेवा करिए।”

मर्कूस 5:22

यहूदी सभाघरको मुखिया मैसे याइरस नाउँको एक जनै आओ, और येशूके देखके आदर देनके ताहीं घुपटा पणो,

मर्कूस 7:25

बहेबेरा, एक बैयर येशूके बारेमे सुनी और आएके येशूके आदर देनके ताहीं घुपटा पणी। बा बैयरकी छोटी लौंणीयाके भुत लागो रहए।

लूका 1:19

स्वर्गदूत जकरियासे कही, “मए गब्रिएल हओं, मए परमेश्वरके अग्गु ठाणो रहात हओं। तिर सँग बात करन और जा अच्छो समाचार परचार करनके ताहीं मए पठाओ गओ हओं।

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

यूहन्ना 5:39

तुम पबित्र-शास्त्र पढत हओ, काहेकी तुम जा सोँचत हओ, कि बोमे तुमके कभी फिर नाश नाए होन बारो जीबन मिलैगो। और जा बहे पबित्र-शास्त्र हए, जो मिर बारेमे गवाही देत हए।

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 13:27

यरूशलेम सहरके आदमी और उनके अगुवा येशू ख्रीष्टके नाए चिन पाइं। और बे अगमबक्तनको बो बचनके नाए सम्झीं, जौनके बे हर पबित्र दिनमे पढत रहएं। जहेमारे बे येशूके दोषी ठहिराइं और बाके मृत्युदण्ड दइके बे धर्मशास्त्रमे बाके बारेमे लिखेभए बातके पुरा करीं।

2 कोरिन्थी 8:7

पर जैसी सब बातमे तुम बढके गए हओ, अर्थात् बिश्वासमे, परचार करन या शिक्षा देनमे, ज्ञानमे, सबए जोसमे और हमर घेनको तुमर प्रेममे, उइसीयए गरीब बिश्वासीनके दान देनो जा काममे फिर बढतए जाओ।

इफिसियों 5:15

जहेमारे साबधानीसे ध्यान देओ, कि तुम कैसे जीबन जिइ रहेहओ, मुरख आदमी कता नाए पर बुद्धिमान हुइके नेँगओ।

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

1 यूहन्ना 5:10

जो परमेश्वरको लौंणाके उपर बिश्वास करत हए। बो नेहात्तओ बिश्वास करत हए, कि जो कुछ परमेश्वर कही हए, बो सच्चो हए। जौन परमेश्वरमे बिश्वास नाए करत हए, बो बाके झुठो सम्झत हए। काहेकी बो परमेश्वरको गवाहीमे बिश्वास नाए करीहए, जो दौवा परमेश्वर अपन लौंणाके बारेमे गवाही दइ हए।

1 यूहन्ना 5:21

मेरे बालका, जौन चीज तुमके परमेश्वरको उपस्थितिसे दुर करत हए बो चीजसे दुर रहाओ।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

प्रकाश 12:17

परिमाण स्वरूप, अजिंगर बो बैयरसे बहुत गुस्साइगओ। जहेमारे बो बैयर सन्ताननके बिरुद्ध युद्धको घोषणा करदइ। अर्थात् बे आदमीनके बिरुद्ध, जो परमेश्वरकी प्रतिज्ञानके पालन करत हएं और येशूके द्वारा सिखाओ गओ सच्चो शिक्षाके पालन करनमे मजबुत बने रहात हएं।

प्रकाश 14:7

बो जोडसे चिल्लाएके कहीं, “परमेश्वरको डर मानओ और बाके आदर देबओ, काहेकी अब बाके आदमीनको न्याय करनको समय हए। बाको आराधना करओ काहेकी बा बादर, पृथ्वी, समुन्दर और पानीको मुल बनाइ।”

प्रकाश 15:4

हे परमप्रभु, तुमके सब आदमी आदर करत हएं, और बे सब तुमर नाउँके सम्मान करत हएं, काहेकी तुमही इकल्ले पबित्र परमेश्वर हओ। हर राज्यके सब जाति तुमर ठिन आत हएं और बे तुमर आराधना करत हएं, काहेकी तुमर धार्मिक काम सबके अच्छेसे पता हए।”

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”