प्रकाश 11:17 - राना थारु नयाँ नियम

¹⁷ और कहान लागे, “हे सर्बशक्तिमान परमप्रभु परमेश्वर, सुरुवातसे लैके अबतक और कभी फिर नाए बद्लन बारो, हम नेहात्तओ तुमके धन्यबाद देत हएं काहेकी तुम अब अपनो महान शक्ति दिखाए हओ और तुम अब पृथ्वीमे अपनो राज्य सुरु करदए हओ।

परमेस्वर को सच्चो वचन

¹⁷ जौ कहेन लगे: “हे सर्वसक्तिमान प्रभु परमेस्वर, जो है और जो रहै! हम तेरो धन्यवाद करथैं कि तैं अपनी बड़ी सामर्थ्य लैकै राज्य करनो सुरु कर दौ है!

प्रकाश 11:17 ပူးပေါင်းရင်းမြစ်များ

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

यूहन्ना 11:41

बे चिहानको मोहोडासे पत्थर हटाइं और येशू उपर देखके कही, “हे दौवा, मए तुमके धन्यबाद देत हओं, काहेकी तुम मिर प्राथना सुनलए हओ।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

2 कोरिन्थी 9:15

आबओ, कोइ फिर पुरा रुपमे ब्याख्या नाए करपान बारो बाको बरदानके ताहीं परमेश्वरके धन्यबाद देमएं।

1 तिमोथी 1:12

मए हमर प्रभु येशू ख्रीष्टके धन्यबाद देत हओं, जौन मोके शक्ति दइ, कि बा मोएमे भरोसा करके अपनो सेवाको काममे लगाबए।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

प्रकाश 16:5

तओ मए बो स्वर्गदूतके अइसे कहात सुनो, जौनके पुरो रुपमे पानीमे अधिकार रहए, बो परमेश्वरसे कही, “हे पबित्र परमेश्वर, जो समयकी सुरुवातसे लैके अबतक और हमेसा नाए बद्लत हओ, तुमर दओगओ सजाय ठिक हए।

प्रकाश 16:7

फिरसे मए बेदीसे कोइके मस्कत सुनो, “हाँ, सर्बशक्तिमान परमप्रभु परमेश्वर, नेहात्तओ तुमर आदमीनको सजाय देन बारो तरिका ठिक और सत्य हए।”

प्रकाश 18:8

जहेमारे अचानक बोके उपर बिपत्ति आए पणैगी। इक्बरी बिमारी और मृत्यु, शोक और अनिकाल बोमे एकए सँग आए जामंगे। और बोके आगीमे भसम करोजाबैगो, काहेकी प्रभु परमेश्वर शक्तिसाली हए, और बा बोके दण्ड देबैगो।’”

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 19:6

तओपिच्छु, मए जो सुनो बो बहुत जद्धी आदमीनको चिल्लाओभओ अबाज कता लागत रहए। जा अबाज बडो झरनासे गिरो भओ पानी कता और गर्जनको अबाज कता रहए। बे कहीं, “हल्लेलूयाह! काहेकी हमर सर्बशक्तिमान परमेश्वर राजा हए।