फिलिप्पी 2:17 - राना थारु नयाँ नियम

¹⁷ जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

परमेस्वर को सच्चो वचन

¹⁷ अगर मोकै तुमरे बिस्वास के बलिदान और सेवा के संग अपनो खूनौं बहान पड़ै तौभी मैं खुस हौं, और तुम सबके संग खुस रहथौं।

फिलिप्पी 2:17 ပူးပေါင်းရင်းမြစ်များ

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 21:13

पर पावल जबाफ दइ, “तुम काहे अइसे रोएके मिर मनके कमजोर करत हओ? मए यरूशलेम सहरमे बंधन इकल्लो नाए, पर मए प्रभु येशू ख्रीष्टके ताहीं मरनके फिर तयार हओं।”

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

2 कोरिन्थी 12:15

मए तुमर आत्माके ताहीं अपनएके और मेरे सँग भए सब चीज देनके ताहीं खुसी होमंगो, ताकी तुम परमेश्वरको अनुसरण कर्पाबओ। मए तुमके बहुत प्रेम करत हओं। पर अइसो लागत हए, कि तुम मोके थोरी प्रेम करत हओ।

2 कोरिन्थी 4:12

पर जाको अर्थ जा हए, कि हम लगातार मृत्युको सामना कर रहे हएं। पर जाको परिणाम जा हए, कि तुमके अनन्त जीबन प्राप्त भओ हए।

2 कोरिन्थी 6:10

हमके बहुत दुख होएसे फिर रोज खुसी हएं। हम गरीब होएसे फिर बहुतनके आत्मिक धनी बनात हएं। कुछु नाए होएसे फिर हमर ठिन सब कुछ हए।

2 कोरिन्थी 7:4

तुमरमे मिर बडो भरोसा हए। तुमर उपर मए बेढम गर्व करत हओं। तुमरसे मए पुरो सान्त्वना पाओ हओं। हमर सब दुखमे मए बहुतए आनन्दित हओं।

फिलिप्पी 1:20

मिर मनको इच्छा और आसरा जा हए, कि मए लज्जित नाए होमओं बल्कि मोएमे ख्रीष्टके बारेमे मस्कनके सहास होबए, जैसेकी मए बितो भओ समयमे कहो रहओं, चहुँ मए जिन्दा रहाओं या मरजामओं मए अपनो पुरो जीबनसे ख्रीष्टके आदर करत रहामंगो।

फिलिप्पी 2:18

उइसी तुम फिर आनन्दित होबओ, और मेरे सँग आनन्द मनाओ।

फिलिप्पी 2:30

काहेकी इपाफ्रोडिटस ख्रीष्टके कामके ताहीं अपनो प्राणके कष्टमे डारके मरनमे आइगओ रहए, ताकी इपाफ्रोडिटस बे तरिकासे मिर मदत करपाबए जो तुम नाए करपाएरहे हओ, काहेकी तुम बहुत दुर हओ।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

1 थेसलोनिकी 2:8

नेहात्तओ तुमके हम माया करत रहएं। तुमर इत्त्नो जद्धा माया लागत हए, कि परमेश्वरको अच्छो समाचार इकल्लो नाए, तुमर ताहीं हम जीबन देनके फिर तयार भए रहएं।

2 तिमोथी 4:6

मए तोके जे सब आज्ञा देत हओं, काहेकी मिर जीबन और मिर जीबनको बलिदान मैसे भओ परमेश्वरको काम दुनौ निभटन लागे हएं। और मए जानत हओं, कि जल्दीयए मए मरजामंगो।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।