तओ येशू बोसे कही, “कोइसे मत् कहिए, कि मए तोके अच्छो करो। तए जा और अपनएके यहूदी पुजारी ठिन दिखा, और मोशा आज्ञा करीअनुसार भेँटी चढा, और सब आदमी पता पामएं कि तए शुद्ध भओ हए।”
जा कोइसे मत् कहियओ करके येशू बिनके आज्ञा दइ। पर जित्तोजित्तो बा आदमीनके आज्ञा देत रहए, कि औरेनके नाए बताएं, पर बहुत जद्धा उत्सहासे बे औरेनके बीचमे जा खबरके फैलान लागे।
जब येशू और बाके तीन चेला पहाडसे उतरत रहएं, तओ येशू बिनके हुकुम दइ, “मए, आदमीको लौंणा, मरके जीबनमे लौटके नाए आनतक कोइके फिर जा मत् बतैयओ, कि तुम का देखे हओ।”