मर्कूस 15:43 - राना थारु नयाँ नियम

⁴³ तओ योसेफ नाउँको आदमी जो अरिमाथिया सहरसे रहए। बो यहूदी सभाको एक बहुत सम्मान पाओभओ आदमी रहए। बो बे आदमी मैसे एक रहए जो जा चाँहत रहए, कि परमेश्वरको राज्य जल्दी आएजाए। बो बिना कोइ डरको रोमको बडो-हाकिम पिलातसके ठिन गओ और येशूको लहासके क्रूससे तरे उतारन और बाके दफ्नानकी अनुमति मागी।

परमेस्वर को सच्चो वचन

⁴³ अरिमतियाह को रहेन बारो यूसुफ आओ, और बौ महासभा को मानो भौ मनतरी रहै। और खुद बौ परमेस्वर के राज्य के इंतजार मैं रहै। बौ हिम्मत भाँदकै पिलातुस के झोने गौ और ईसु की लास माँगी।

मर्कूस 15:43 ပူးပေါင်းရင်းမြစ်များ

मत्ती 19:30

तओ बहुत, पहिलो होन बारे पिच्छु हुइहएं, और पिच्छु होन बारे पहिलो हुइहएं।”

मत्ती 20:16

अइसियए पिच्छु बारे अग्गु हुइहएं और अग्गु बारे पिच्छु हुइहएं।”

मत्ती 27:57

संझा हुइगओ रहए तओ अरिमाथियाको योसेफ नाउँ भओ एक जनै धनी आदमी आओ। बो अपनए फिर येशूको चेला रहए।

मर्कूस 14:54

पत्रुस येशूके दुरए-दुरसे बाके पिच्छु-पिच्छु प्रधान यहूदी पुजारीके आँगन भितर घुसो और मन्दिरके लखबारियाके सँग हुवएं बैठके आगी तापन लागो।

मर्कूस 15:44

जब रोमको बडो-हाकिम पिलातस सुनी, कि येशू पहिलीयएसे मरिगओ रहए, तओ बो अचम्मो मानी और बो कप्तानके अपन ठिन बुलाएके पुछी, “का येशू पहिलीयए मरिगओ रहए?”

लूका 2:25

बो समय यरूशलेम सहरमे शिमियोन नाउँ भओ एक आदमी रहए। और बो धर्मी और भक्ता रहए; बो ख्रीष्टको आनको आसरा और इस्राएल देशके आदमीनके तसल्ली देनके डगर देखत रहए, और पबित्र आत्मा बोकेसँग रहए।

लूका 2:38

और बो बहे बेरा हुवाँ आएके परमेश्वरके धन्यबाद देन लागी, और जौन यरूशलेम सहरके आदमीनके उद्धार करन ताहीं येशूके पठानके परमेश्वरको प्रतीक्षा करत रहएं, बे सबके येशूके बारेमे कहान लागी।

लूका 23:50

योसेफ नाउँ भओ एक जनै अच्छो और धर्मी आदमी रहए। बो यहूदी सभाघरको सदस्य फिर रहए।

लूका 23:51

बो बिनको सल्लाहामे और काममे सहमती नाए दइ रहए। बो यहूदीनको अरिमाथिया सहरको आदमी रहए। बो परमेश्वरको राज्यको डगर देखत रहए।

यूहन्ना 19:38

जे बातके पिच्छु अरिमाथिया गाउँसे आओ योसेफ नाउँको एक जनै चेला रहए। यहूदी समुहके अगुवनको डरसे, बो औ जनै पता नाए पामएं करके येशूके बिश्वास करी रहए। अब योसेफ येशूको लहासके लैजानके पामओं कहिके पिलातससे बिन्ती करी। पिलातस फिर कही, “ठिक हए, लैजाओ।” योसेफ जाएके येशूको लहासके क्रूससे तरे उतारके लैगओ।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

प्रेरित 17:12

बहुत यहूदी प्रभुमे बिश्वास करीं। उइसीयए नाउँ चल भए बहुत उँचे घरानाके ग्रीक देशके बैयर और लोग सबए प्रभुमे बिश्वास करीं।

फिलिप्पी 1:14

और मए जेलमे भओके कारण बहुतसे बिश्वासी ददाभइया प्रभुमे बल पाइगए हएं, और बे बिना डरके परमेश्वरको अच्छो समाचार सुनान बारे भए हएं।