मत्ती 5:48 - राना थारु नयाँ नियम

⁴⁸ जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

परमेस्वर को सच्चो वचन

⁴⁸ तुम सिद्ध बनौ जैसे कि तुमरो स्वर्गिय दऊवा सिद्ध है।”

मत्ती 5:48 ပူးပေါင်းရင်းမြစ်များ

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

मत्ती 5:45

तओ तुम स्वर्गमे होन बारो अपन दौवाके सन्तान होबैगे। काहेकी परमेश्वर आदमीके सुर्यको आँच देतहए, और धर्मी और पापी दोनौ मनैके ताहीं मेहे बर्सात हए।

मत्ती 5:47

और अगर तुम अपन ददाभइयासे इकल्ले नमस्कार करत हओ, तओ कौनछो तुम बडो काम करत हओ। का अन्यजाति फिर अइसे नाए करत हएं?

लूका 6:36

जैसी तुमर दौवा कृपालु हए, तुम फिर कृपालु होबओ।

लूका 6:40

चेला अपन गुरु कता जनैया नाए होत हए, पर जब बो पुरो ज्ञान पाएडरैगो तओ बो अपन गुरु जैसो होबैगो।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

2 कोरिन्थी 13:9

काहेकी हम बिश्वासमे कमजोर हएं और तुम बिश्वासमे बलियो हओ कहेसे हम आनन्दित होत हएं। तुमर बिश्वासको प्रगतीके ताहीं हम प्राथना करत हएं।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

याकूब 1:4

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।