मत्ती 12:41 - राना थारु नयाँ नियम

⁴¹ निनवेके आदमी न्यायके दिनमे जा पिढीके आदमीके सँग खडा हुइके उनके दोषी ठहीरामंगे, काहेकी बे योनाके परचारमे अपनो पाप छोडके परमेश्वर घेन घुमी रहएं, पर तुम पाप करन छोडके परमेश्वर घेन घुमनके इन्कार करे। पर देखओ योनासे महान कोइ हियाँ हए।

परमेस्वर को सच्चो वचन

⁴¹ न्याय के दिन नीनवे के लोग ठाड़कै तुमरे ऊपर दोस लगांगे, काहैकि बे योना के उपदेस से अपनो मन फिराई रहैं, और अब हिंयाँ योना से भी बड़ो है!

मत्ती 12:41 ပူးပေါင်းရင်းမြစ်များ

मत्ती 12:39

बा बिनके जबाफ दइ, “जा पिढीके खराब और व्यभिचारी आदमी शक्तिशाली चमत्कारके चिन्हा ढुणत हएं। पर जा पिढीको योना अगमबक्ताके सँग जो भओ; बो चिन्हा बाहेक और कोइ चिन्हा नाए देहओं।

मत्ती 12:42

दक्खिनकी महारानी न्यायके दिनमे जा पिढीके आदमीके सँग खडा हुइके, बिनके दोषी ठहेरबैगी काहेकी तुम पाप करन छोडके परमेश्वर घेन घुमनके इन्कार करे पर बो सोलोमनको बुद्धि सुननके ताहीं पृथ्वी कि छोरसे आइ; पर देखओ, सोलोमनसे महान कोइ हियाँ हए, तहुँफिर तुम पाप करन नाए छोडन चाँहत हओ।”

मत्ती 12:45

तओ बो भुत जातहए और अपनसे फिर जद्धा खराब औ सात भुतनके अपन सँग बुलात हए, और आदमीक भितर घुसके बे डेरा धरत हएं, और बो आदमीको पिच्छु कि दसा पहिलेसे फिर खराब होत हए, जा समयके दुष्ट आदमीके सँग फिर अइसियए होबैगो।”

मत्ती 12:6

पर मए तुमसे कहात हओं, यरूशलेमको मन्दिरसे बडो हियाँ कोइ हए।

मत्ती 16:4

खराब और व्यभिचारी पिढी शक्तिशाली काम मागत हएं, पर योनाको शक्तिशाली चमत्कार बाहेक और चिन्हा बिनके नाए देहओं।” और बिनके छोडके बा चलोगओ।

मत्ती 17:17

तओ येशू कही, “ए अबिश्वासी और हठी आदमी, कहाँ तक मए तुमरसँग रएहओं? कहाँ तक मए तुमके सहामऔं? बोके मेरे ठिन लियाबओ।”

मत्ती 23:36

नेहात्तओ, मए तुमसे कहात हओं, जा सब हत्याको सजाय जहे पिढीके आदमीनके उपर पणैगो।”

लूका 11:32

निनवेके आदमी न्यायमे जा पिढीके सँग ठाणके जाके दोषी ठहिरामंगे, काहेकी बे योनाको परचारमे पश्‍चात्ताप करत हएं। और देखओ, हियाँ एक आदमी हए, जो योनासे महान हए।

यूहन्ना 3:31

यूहन्ना कही, “जो स्वर्ग मैसे आतहए बो सबसे भारी हए। और जौन पृथ्वी मैसे आतहए, बो पृथ्वीको हए और पृथ्वीकी बात बत्कात हए। और जौन स्वर्गसे आतहए, बो सबसे भारी हए।

यूहन्ना 4:12

का तुम हमर पुर्खा याकूबसे बणे हओ? जो हमरे ताहीं जा कुँइँयाँ बनाए दइ हए; और बो अपनए, बक सन्तान और बक गैँयाँभैँसिया फिर जहे कुँइँयाँसे पानी पिइं।”

रोमियों 2:27

तुम खतना करेभए यहूदी, खतना नाए करेभए गैर-यहूदीनसे दोषी ठहिरेजाबैगे। काहेकी तुम मोशाको लिखो भओ बातके और खतना पाएके फिर नियम कानुनके पालन नाए करत हओ। पर खतना नाए लगाएसे फिर, गैर-यहूदी कानुनको पालन करत हएं।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।