लूका 13:14 - राना थारु नयाँ नियम

¹⁴ जहेमारे कि येशू पबित्र दिनमे बोके अच्छो करी रहए, तओ यहूदी सभाघरको मुखिया गुस्साएके आदमीनसे कहान लागे, “एक हप्तामे छ दिन काम करनके ताहीं हमके अनुमति हए। तभीमारे जाके छ दिनमे आएके अच्छो करियओ, पर पबित्र दिनमे नाए।”

परमेस्वर को सच्चो वचन

¹⁴ सभाघर के मुखिया गुस्सा मैं रहै बौ जौ ताहीं कि ईसु साबत के रोज बाकै अच्छो करी रहै, सभाघर के अधिकारी खिसियाए कै लोगन से कहेन लगे, “छै रोज हैं, जोमैं काम करनो चाहिए, और बेईं दिनन मैं आयकै अच्छे होबौ; पर साबत के रोज ना!”

लूका 13:14 ပူးပေါင်းရင်းမြစ်များ

मत्ती 12:2

तओ फरिसीनको समुह जा देखके येशूसे कही, “देखओ, तुमर चेला पबित्र दिनमे, जो करन उचित नाएहए, बहे करत हएं।”

मर्कूस 5:22

यहूदी सभाघरको मुखिया मैसे याइरस नाउँको एक जनै आओ, और येशूके देखके आदर देनके ताहीं घुपटा पणो,

लूका 6:11

पर बे दिक्कके मरे चूर हुइगए, और येशूके का करएं, कहिके एक-दुस्रेसे सल्लाह करन लागे।

लूका 6:7

मोशाको नियम कानुन सिखान बारे और फरिसीनको समुह, जा देखन लागे, कि येशू सुखो हात भओ मनैके, यहूदीनको पबित्र दिनमे अच्छो करपएहए कि नाए, ताकी बे बाके दोष लगाए पामएं।

लूका 8:41

याइरस नाउँको एक जनै यहूदी सभाघरको मुखिया सासक आएके येशूके आदर देनके ताहीं पाउँमे पणो, और मेरे घरमे आबओ करके येशूसे बिन्ती करी।

प्रेरित 13:15

अब मोशाको नियम कानुन और अगमबक्तनको किताबसे पढनके बाद यहूदी सभाघरको मुखिया पावल और बारनाबासके बुलाएके कहीं, “हे बिश्वासी ददाभइया! अगर तुमरसँग आदमीनके ताहीं सहास देन बारी कुछ बातहएं कहेसे बताबओ।”

प्रेरित 18:17

अब यहूदी, यहूदी सभाघरको सासक सोस्थेनेसके पकणके अदालतके अग्गु पिटीं, पर गलियोन हाकिम बो बातको कुछु वास्ता नाए करी।

प्रेरित 18:8

तओ यहूदी सभाघरको सासक क्रिस्पस और बक सबए परिवार प्रभुमे बिश्वास करीं और कोरिन्थ सहरमे रहान बारेके औ बहुत आदमी फिर पावलको शिक्षा पाएके बप्तिस्मा लइं।

रोमियों 10:2

काहेकी मए उनकी गवाही देत हओं, कि उनके परमेश्वरके ताहीं हौसला रहात हए, पर परमेश्वरको सेवा कैसेकरो जएहए, जाके बारेमे उनको समझ सही नाएहए।