याकूब 1:27 - राना थारु नयाँ नियम

²⁷ हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।

परमेस्वर को सच्चो वचन

²⁷ हमरे परमेस्वर और दऊवा के झोने पवित्र और निरमल धर्म जौ है, कि अनाथन और बिधवन के कलेस मैं उनकै याद करै, अपने आपकै दुनिया से निर्दोस रखाबै।

याकूब 1:27 ပူးပေါင်းရင်းမြစ်များ

मत्ती 12:32

कोइ आदमीको लौंणाके बिरुद्धमे कुछ कही कहेसे बो क्षमा हुइजएहए, पर कोइ पबित्र आत्माके बिरुद्धमे बोलैगो कहेसे बो जा युगमे और आन बारो युगमे फिर क्षमा नाए हुइहए।”

मत्ती 5:8

धन्य हएं बे, जौनके ठिन शुद्ध ह्रदय हए, काहेकी बे परमेश्वरके देखंगे।

लूका 1:6

और बे दुनए परमेश्वरके अग्गु धर्मी रहएं, और परमप्रभुको सब आज्ञा और धार्मिक बिधि-बिधानमे निर्दोष हुइके नेँगत रहएं।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

रोमियों 2:13

काहेकी परमेश्वरकी दृष्टिमे धार्मि बे आदमी नाए हएं, जो नियम कानुनके सुनत इकल्लो हएं। पर धार्मि बे हएं जो नियम कानुनके सुनके पालन करत हएं।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

गलातियों 3:11

पर जा नेहात्तओ हए, कि मोशाको नियम कानुन पालन करनेसे कोइ फिर परमेश्वरके अग्गु धर्मी नाए ठहिराओ जाए सकत हए, पर जो कोइ फिर परमेश्वरमे भरोसा करत हए, परमेश्वर बोके धर्मी ठहिरात हए, और बो कभी फिर नाश नाए होन बारो जीबन पाबैगो।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 तिमोथी 5:4

और अगर कोइ बिधुवाके लौंणालौंणीया या नतियानतनिया होएं, तओ सबसे पहिले उनके अपने परिवारके सदस्यकी रेखदेख करके ईश्वरीय ब्यबहार करनके सिखएं। और अपने अइयादौवा या दादो-दादीकी रेखदेख करके उनके ताहीं कुछ करएं, काहेकी परमेश्वर जहेसे खुसी होत हए।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

याकूब 3:9

जहे जिभसे हम प्रभु और दौवा परमेश्वरको स्तुति करत हएं, और जहे जिभसे परमेश्वरको रुपमे सृष्टि करेभए आदमीनके सराप देत हएं।

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।

2 पतरस 2:20

येशू ख्रीष्टके, अपनो प्रभु और मुक्तिदाता कहिके चिनहएं तओ आदमी संसारको दुष्टतासे भागंगे। पर अब बे फिरसे गलत काम करनमे सामिल हुइगए हएं, और बे गलत बात अब बिनके अधिनमे करलै हए, तभीमारे अब बे ख्रीष्टके अस्वीकार करदेनके बाद उनको अन्तिम अवस्था, उनको बिश्वासी बननसे पहिलेको अवस्थासे फिर बुरो हुइगओ हए।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

1 यूहन्ना 5:18

हम जानत हएं, कि जोकोइ परमेश्वरको सन्तान हए, बो पाप नाए करत हए, काहेकी परमेश्वरको लौंणा येशू बोके सुरक्षित रक्खत हए: और बोके शैतान नाए छुन पातहए।