हिब्रू 5:14 - राना थारु नयाँ नियम

¹⁴ कर्रो खानु त बिश्वासमे बलियो भए आदमीनके ताहीं हए। बो असल और खराब बात छुट्टयानके तालिम पाए डारत हए।

परमेस्वर को सच्चो वचन

¹⁴ पर अन्न स्यानो के ताहीं है, जिनकी इन्द्रियाँ अभ्यास के जरिया भले-बुरे की पहचान करन मैं सक्छम है।

हिब्रू 5:14 ပူးပေါင်းရင်းမြစ်များ

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

इफिसियों 1:18

मए जा फिर प्राथना करत हओं, कि बा सच्चाईके सम्झनमे तुमर मदत करैगो ताकी तुम बाको महिमाको धनके जान पाबओ, कि बो आसरा जो तुमके दओगओ हए, जब परमेश्वर तुमके चुनी रहए। और ताकी तुम जानपाबओ, कि बे आशिष कित्ने महान और महिमामय हएं जौनको प्रतिज्ञा परमेश्वर अपने पबित्र आदमीसे करीहए।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

फिलिप्पी 3:15

जहेमारे हम मैसे जितनो बिश्वासमे पक्के हएं, अइसियए करके हम एकए हानी सोचएं, और अगर कोइके बातमे तुमर दुस्रो सोँच हए कहेसे परमेश्वर बोके फिर तुमके प्रकट करदेबैगो।

1 थेसलोनिकी 5:21

सब सन्देशको जाँच करओ। जा जाननके ताहीं, कि बे भबिष्यबाणी परमेश्वरके घेनसे हए या नाए हए। अच्छे सन्देशके स्वीकार करओ और पालन करओ।

1 तिमोथी 4:7

झुठे कहानीमे समय बर्बाद मत् करीए, जो कहानी परमेश्वरके सम्मान नाए देत हएं। और तए परमेश्वरको दओ भओ जीबन जीइनके ताहीं अपनएके लगातार तालिम दिए।

हिब्रू 6:1

तभीमारे आओ, हम बो चीज सिखन बन्द करएं, जौन चीज हमके पहिले ख्रीष्टके बारेमे सिखाए गए रहएं। और गहिरो शिक्षा सिखएं, ताकी हमर बिश्वास परिपक्क हुइजाए। हमके फिरसे दुस्रो चोटी परमेश्वरमे बिश्वासके बारेमे और मृत्युके घेन लैजानको कामसे दुर होनको बारेमे सिखन सुरु नाए करन पणैगो।

याकूब 3:2

हम सब बहुत भुल करत हएं। पर अपनो कहो भओ बातमे गल्ती नाए करन बारे आदमी नेहात्तओ सिद्ध आदमी हएं। और बो अपनो सारे कामके अधिनमे करनमे सक्षम होतहए।