हिब्रू 13:18 - राना थारु नयाँ नियम

¹⁸ हमर ताहीं प्राथना करतए रहाओ, काहेकी हमके जरुर पता हए, कि हमर बिबेक शुद्ध हए, और हम हर समय सही काम करन चाँहत हएं।

परमेस्वर को सच्चो वचन

¹⁸ हमरे ताहीं प्रार्थना करत रहबौ, हमैं यकीन से भरोसा है कि हमरो सपा मन है, काहैकि हम हर समय सई चाल-चलन के जरिया काम करनो चाहथैं।

हिब्रू 13:18 ပူးပေါင်းရင်းမြစ်များ

प्रेरित 23:1

पावल यहूदी सभाघर घेन एक नजर लगाएके देखी, और कही, “ददाभइयओ, आजके दिनतक परमेश्वरको दृष्टिमे मए शुद्ध बिबेकसे जीबन बिताओ हओं।”

प्रेरित 24:16

जहेमारे परमेश्वरमे और आदमीनमे मए सदादीन शुद्ध बिबेक धरन कोसिस करत हओं।

रोमियों 12:17

कोइके खराबीको बदला खराब मत् करओ। जौन बात सब आदमीनको नजरमे ठिक हए, बिनमे ध्यान देओ।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

रोमियों 15:30

हे मेरे बिश्वासी ददाभइयओ; मए तुमके हमर प्रभु येशू ख्रीष्टके नाउँसे बिन्ती करत हओं, कि तुम मेरे ताहीं परमेश्वरसे प्राथना करके मेरे कष्टमे सामिल होबओ। पबित्र आत्मा द्वारा तुमर प्रति मिर प्रेमको कारण अइसो करओ।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

1 थेसलोनिकी 4:12

ताकी बे आदमी जो बिश्वास नाए करत हएं, बे देखएं कि तुम हर दिन कैसे ब्यबहार करत हओ, और देखके तुमके आदर करएं। तओ तुमके अपन जरुरतके पुरा करनके ताहीं कोइमे निर्भर नाए होन पणैगो।

1 थेसलोनिकी 5:25

हे मेरे बिश्वासी ददाभइयओ, हमरे ताहीं प्राथना करओ।

2 थेसलोनिकी 3:1

अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।