हिब्रू 13:16 - राना थारु नयाँ नियम

¹⁶ भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

परमेस्वर को सच्चो वचन

¹⁶ और भलाई, सहभागिता करनो ना भूलैं; काहैकि परमेस्वर ऐसेई बलिदान से खुस होथै।

हिब्रू 13:16 ပူးပေါင်းရင်းမြစ်များ

लूका 18:22

जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

प्रेरित 9:36

योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

गलातियों 6:6

बचनको शिक्षा पान बारे सबए, अपन सब असल चीज, बचन सिखान बारोसे बाँटचुट करन पणत हए।

इफिसियों 4:28

चोरी काम करन बारे फिर चोरी नाए करएं पर बोके अपनो हातनसे इमानदारीको काम करन पणो, ताकी गरीब आदमीनके सँग बाँटनके ताहीं बोके ठिन कुछ होए।

फिलिप्पी 4:14

तओ फिर मोके रुपैया पठाएके मिर दुखमे तुम मदत करके तुम बहुत अच्छो करे।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

1 तिमोथी 6:18

और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।

फिलेमोन 1:6

मए प्राथना करत हओं, कि बिश्वासीन सँगको तिर संगती बढतए जाबए, ताकी तए बे सब अच्छी चीजके बुझ पाबए, जौन चीज परमेश्वर हमके दइ हए। और जाको नतिजा जा होबए, कि आदमी ख्रीष्टके महिमा करएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

3 यूहन्ना 1:11

हे मेरो प्यारो सँगी, बे आदमीनको देखासेखी मत् कर, जो खराब काम करत हएं, पर बे आदमीके देखासेखी कर, जो भलो काम करत हएं। अगर कोइ भलो काम करत हए, तओ जा दिखात हए, कि बो परमेश्वरको सन्तान हए। अगर कोइ खराब काम करत हए, तओ जा दिखात हए, कि बो परमेश्वरके नाए जानत हए।