गलातियों 5:17 - राना थारु नयाँ नियम

¹⁷ काहेकी बे चीज जो हमर शारीरिक इच्छा करन चाँहत हए, बे बेहीं चीज हएं, जो पबित्र आत्मा नाए चाँहत हएं, कि हम करएं। और अइसियए, पबित्र आत्मा हमसे बहे काम करबान चाँहत हए, जो हमर शारीरिक इच्छा नाए चाँहत हए, कि हम करएं, और जे दुनौ शक्ति लगातार एक-दुस्रेसे लणत रहात हएं; जहेमारे बे हरदम बो अच्छो काम नाए करपात हएं, जो तुम करन चाँहत हओ।

परमेस्वर को सच्चो वचन

¹⁷ हमरो सारीरिक स्वभाव जो चाहथै, बाके उल्टा आत्मा जो चाहथै, और जो आत्मा चाहथै, बाको बौ बिरोध करथै जो हमरो मानव स्वभाव चाहथै। जे दोनों दुस्मन हैं, और जाको मतलब है कि तुम बौ नाय कर सकथौ जौ तुम करनो चाहथौ।

गलातियों 5:17 ပူးပေါင်းရင်းမြစ်များ

मत्ती 12:30

जौन मिर सँग नैयाँ, बो मिर बिरुद्धमे हए, और जौन मिर सँग बटोरत नैयाँ, बो बिग्दाबैगो।

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

मत्ती 16:23

तओ घुमके बा पत्रुससे कही, “ए शैतान, मिर ठिनसे हटजा। तए मिर ताहीं बाधा होत हए। काहेकी तए परमेश्वरके बातमे नाए पर तए आदमीनके बातमे ध्यान देतहए।”

मत्ती 26:41

जगे रहओ, परमेश्वरसे प्राथना करओ और सतावटमे मतपणओ। आत्मा त नेहात्तओ तयार हए, पर शरीर कमजोर हए।”

मत्ती 5:6

धन्य हएं बे आदमी, जौन धार्मिकताको जीबन जीइनके ताहीं भुँखे हएं, काहेकी परमेश्वर उनको इच्छा पुरा करैगो।

लूका 22:33

तओ पत्रुस येशूसे कही, “हे प्रभु, मए तुम सँग जेलमे जान और मरन ताहीं फिर तयार हओं।”

लूका 22:46

बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”

यूहन्ना 3:6

आदमी अपन बच्चाके जनम देत हएं, पर आदमीनके नयाँ जीबन पबित्र आत्मासे इकल्लो मिलत हए।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

गलातियों 3:21

का जाको अर्थ जा हए, कि मोशाको नियम कानुन प्रतिज्ञनके बिरुद्ध हए? कभी फिर नाए! काहेकी नियम कानुन हमके कभी फिर नाश नाए होन बारो जीबन देत हुइतो कहेसे हमके जाके पालन करके परमेश्वर सँग धर्मी ठहिराए जाए सकत रहएं।

याकूब 3:2

हम सब बहुत भुल करत हएं। पर अपनो कहो भओ बातमे गल्ती नाए करन बारे आदमी नेहात्तओ सिद्ध आदमी हएं। और बो अपनो सारे कामके अधिनमे करनमे सक्षम होतहए।