इफिसियों 4:5 - राना थारु नयाँ नियम

⁵ हम सबएन्को एकए प्रभु हए, हम सब एकए शिक्षामे बिश्वास करत हएं और हम सबके एकए बप्तिस्मा मिलो हए।

परमेस्वर को सच्चो वचन

⁵ एक प्रभु है, एक बिस्वास, और एक बपतिस्मा है;

इफिसियों 4:5 ပူးပေါင်းရင်းမြစ်များ

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

रोमियों 3:30

काहेकी एकए परमेश्वर हए, जो खतना भएन बारेनके और खतना नाएभए बारेनके बिनको बिश्वासके आधारमे धर्मी ठहिरात हए।

1 कोरिन्थी 1:13

जा अच्छो नाए हए, काहेकी ख्रीष्ट समुहसे नाए बँटो हए। जा पावल नाए रहए, जो क्रूसमे तुमर ताहीं मरो। और अइसियए, तुम पावलके नाउँमे बप्तिस्मा नाए लए?

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

1 कोरिन्थी 12:5

अलग-अलग मेलके काम हएं, जो हम प्रभुके ताहीं करत हएं। पर हम सब एकए प्रभुको सेवा करत हएं।

1 कोरिन्थी 8:6

पर हमर ताहीं केबल एकए परमेश्वर हए: अर्थात् दौवा, जौनके घेनसे सब चीज हएं, और हम परमेश्वरके ताहीं हएं, और एकए प्रभु हए, अर्थात् येशू ख्रीष्ट जौनके द्वारा सब चीज भए, और जौनके द्वारा हमके जीबन दओगओ हए।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

हिब्रू 13:7

अपन अगुवाको याद करओ, जौन परमेश्वरको बचन तुमके सुनाइ हए। बिचार करओ, कि बे कैसे जीबन बिताइं और मरे, तुम फिर उन्हीनकता परमेश्वर प्रतिको बिश्वास दिखाओ।

हिब्रू 6:6

बिनके फिरसे फिर्ता लानके कोइ तरिका नाए हए। काहेकी बे अपनए परमेश्वरको लौंणाके फिरसे क्रूसमे टाँगत हएं और बाको लाज करत हएं। औरे दुस्रे आदमी ख्रीष्टके बेकार हएं कहिके सोँचत हएं।

याकूब 2:18

पर कोइ कहे सकत हएं, “तए बिश्वास करत हए। मए त भले काम करत हओं।” पर मए कहात हओं, भले काम करे बिना तुमर बिश्वास मोके दिखाबओ, और मए करोभओ भले काम करके मए अपनो बिश्वास दिखात हओं।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।