इफिसियों 1:11 - राना थारु नयाँ नियम

¹¹ परमेश्वर हम यहूदीनके फिर ख्रीष्टके सँगए जोडके अपने आदमी होनके ताहीं चुनलै काहेकी सुरुसे बाकी जहे योजना रहए। बा सब अपनी योजनाके अनुसार करत हए।

परमेस्वर को सच्चो वचन

¹¹ सबै कुछ परमेस्वर सोचथै बहे होथै; और परमेस्वर अपने खुद के वजह से हमकै मसीह के संग अपने खुद के लोगन के रूप मैं चुनी, जो बात कै बौ सुरुए से ठान लई रहै।

इफिसियों 1:11 ပူးပေါင်းရင်းမြစ်များ

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

प्रेरित 2:23

परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

प्रेरित 20:27

काहेकी मए तुमके सब बात बताओ हओं, जो तुम जानओ करके परमेश्वर चाँहत हए।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रेरित 4:28

पर बे बहे करीं जो तुमर सामर्थ्य और इच्छासे पहिलीए तयार करलै रहए, कि होनए पणो।

रोमियों 11:34

“काहेकी प्रभुको मनके कौन जानत हए? और बाको सल्लाहकार कौन भओ हए?

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

रोमियों 8:30

फिर जौनन्के बा पहिलीएसे छानी, उनके बुलाइ फिर हए, और जौनन्के बुलाइ, उनके धर्मी घोषित फिर करी और जौन धर्मी घोषित करेगए, उनके अपनो महिमामे सहभागी फिर करबाइ।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

गलातियों 3:18

काहेकी परमेश्वर तुमके अपनो अनुग्रह जाकेमारे नाए देतहए, ताकी तुम मोशाको नियम कानुनके पालन करत रहओ। पर परमेश्वर जहेमारे अनुग्रह देतहए, काहेकी परमेश्वर जाको प्रतिज्ञा करी रहए। उइसीयए, परमेश्वर अब्राहामके आशिष दइ, काहेकी परमेश्वर अब्राहामसे जाको प्रतिज्ञा करी रहए।

इफिसियों 1:14

काहेकी परमेश्वर हमके पबित्र आत्मा दइ हए। हम जा बातसे पक्का हुइपात हएं, कि परमेश्वर हमके उद्धारके ताहीं बो उत्तराधिकार देबैगो जो बा देनको प्रतिज्ञा करीहए और जा फिर कि बा हमके अपने आदमीनके रुपमे खरिदी हए ताकी बाको महिमाको स्तुति होबए।

इफिसियों 1:18

मए जा फिर प्राथना करत हओं, कि बा सच्चाईके सम्झनमे तुमर मदत करैगो ताकी तुम बाको महिमाको धनके जान पाबओ, कि बो आसरा जो तुमके दओगओ हए, जब परमेश्वर तुमके चुनी रहए। और ताकी तुम जानपाबओ, कि बे आशिष कित्ने महान और महिमामय हएं जौनको प्रतिज्ञा परमेश्वर अपने पबित्र आदमीसे करीहए।

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

इफिसियों 1:8

परमेश्वरके ठिन बहुत ज्ञान और समझ हए और बे चीज बा हमके प्रशस्त करके दइहए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

इफिसियों 3:11

परमेश्वर अपनो अनन्त योजनाके अनुसार अइसे करी, और जाके हमर प्रभु येशू ख्रीष्टके माध्यमसे पुरा करी।

कलस्सी 1:12

और दौवा परमेश्वरके धन्यबाद करत रहाबओ, और स्वर्गके राज्यमे बाको पबित्र आदमीनके मिलन बारो चीज तुमके फिर मिलन बारो लायक बनाइ हए।

कलस्सी 3:24

याद करओ, कि प्रभु तुमके इनाम देबैगो, जो जहेहए, कि ख्रीष्ट तुमके बे आशिष मैसे तुमर बाँट देबैगो जौनके बा अपने सब आदमीनके ताहीं तयार करीहए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

हिब्रू 6:17

जहेमारे परमेश्वर फिर कसम खाइ। जासे बा, प्रतिज्ञा पाए भए आदमीनके स्पष्ट रुपमे दिखान चाँहत रहए, कि बा अपनो प्रतिज्ञा पुरा करैगो।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 1:4

परमेश्वर, अपने आदमीनके ताहीं धरो भओ प्रसस्त आशिषको आसरा करत हए। बा हमर ताहीं तयार करेभए सब अच्छे चीज पानके ताहीं हम आसरा करत हएं। बे चिजनके कोइ फिर नाश नाए करपाबैगो। बे कुछु चीज फिर नाए बिगाड पामंगे। बे चीज कभु फिर पुरानो या काम सुथ्रेके नाए होमंगे। परमेश्वर बे चिजनके तुमर ताहीं स्वर्गमे धरे हए।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।