कलस्सी 3:24 - राना थारु नयाँ नियम

²⁴ याद करओ, कि प्रभु तुमके इनाम देबैगो, जो जहेहए, कि ख्रीष्ट तुमके बे आशिष मैसे तुमर बाँट देबैगो जौनके बा अपने सब आदमीनके ताहीं तयार करीहए।

परमेस्वर को सच्चो वचन

²⁴ काहैकि तुम जानथौ कि जाके बदले प्रभु मैं तुमकै बिरासत मिलैगी। काहैकि मसीह ही तुमरो असली स्वामी है जोकी तुम सेवा करथौ।

कलस्सी 3:24 ပူးပေါင်းရင်းမြစ်များ

मत्ती 10:41

अगर तुम एक अगमबक्ताके स्वीकार करैगे जौन परमेश्वरके बचन बोलत हए, तुमके फिर अगम्बक्तए कता इनाम मिलैगो। जौन कोइ धर्मी जनके धर्मी जन मानके ग्रहण करैगो काहेकी बो धर्मी हए, और परमेश्वर धर्मी आदमीके देन बारो जैसो इनाम देबैगो।

मत्ती 5:12

तओ रमाओ और बहुत खुसी होबओ, काहेकी स्वर्गमे तुमर बडो इनाम हुइहए। और अइसियए बहुत समय अग्गु अगमबक्तनके बे सताइ रहएं।”

मत्ती 5:46

काहेकी अगर तुमरसँग प्रेम करन बारेनके प्रेम करैगे तओ परमेश्वर का तुमके इनाम देहए? का कर उठान बारे फिर अइसियए नाए करत हएं?

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:5

जब तुम प्राथना करैगे तओ कपटी आदमी कता मत् होओ काहेकी आदमीनके दिखानके ताहीं सभाघरमे और सडकके चौराहोमे ठाणके प्राथना करन उनके अच्छो लगत हए। नेहात्तओ मए तुमसे कहात हओं, कि बे अप्नो प्रतिफल पाएडारी हएं।

लूका 14:14

तओ तुम धन्यके हुइहओ, काहेकी बे तुमर गुन घुमाए नाए पए हएं। जब धर्मीजान फिरसे मरके जिन्दा होबैगो तओ परमेश्वर तुमके इनाम देबैगो।”

लूका 6:35

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

1 कोरिन्थी 11:23

जो शिक्षा मए तुमके दओ रहओं, बहे शिक्षा हए जो मए प्रभुसे पाओ रहओं; कि प्रभु येशू जौन रात पकणाओ गओ, बहे रात प्रभु येशू रोटी लइ,

1 कोरिन्थी 3:8

जो पेण लगात हए बोको मोल और जो छिँचत हए बोको मोल बिरकुल एकए कता हए, और जे दुनौ जो करी हएं, बोको अनुसार इन्के परमेश्वरके घेनसे इनाम मिलैगो।

1 कोरिन्थी 7:22

काहेकी जो कोइ कमैया हए, बो प्रभुमे बुलाओ गओ हए। बो एक स्वतन्त्र आदमी कता हए, काहेकी प्रभु येशू बोके बोको पापके शक्तिसे मुक्त करीहए और उइसीयए जो स्वतन्त्रके ताहीं बुलाओ गओ हए, बो ख्रीष्टके गुलाम बनत हए।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

इफिसियों 6:6

तुमके अपन मालिकको आज्ञापालन करन चाहो, तब्ही इकल्लो नाए जब बे तुमके देखत होमएं, पर तुम ख्रीष्टके दास हओ, जहेमारे तुमके अपनो पुरो मनसे बहे करन चाहो जो परमेश्वर चाँहत हए, कि तुम करओ।

इफिसियों 6:8

काहेकी तुम जान्त हओ, कि जो कोइ जैसो अच्छो काम करैगो, चहुँ दास होए चहुँ स्वतन्त्र आदमी, बोको पुरुस्कार बो प्रभुसे पाबैगो।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

हिब्रू 10:35

जो होएसे फिर प्रभुमे भरोसा करन बारो हिम्मत मत् छोडओ। याद करओ, कि जा तुमर ताहीं बडो इनाम लाबैगो।

हिब्रू 11:6

परमेश्वरमे बिश्वास करेसे इकल्लो हम परमेश्वरके खुसी बनाए पामंगे। काहेकी परमेश्वर ठिन आन बारेनके बिश्वास करन पणतहए, कि परमेश्वर हए और बाके नेहत्तओ ढुँणन बारेनके बा इनाम देबैगो।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

1 पतरस 1:4

परमेश्वर, अपने आदमीनके ताहीं धरो भओ प्रसस्त आशिषको आसरा करत हए। बा हमर ताहीं तयार करेभए सब अच्छे चीज पानके ताहीं हम आसरा करत हएं। बे चिजनके कोइ फिर नाश नाए करपाबैगो। बे कुछु चीज फिर नाए बिगाड पामंगे। बे चीज कभु फिर पुरानो या काम सुथ्रेके नाए होमंगे। परमेश्वर बे चिजनके तुमर ताहीं स्वर्गमे धरे हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।