कलस्सी 2:2 - राना थारु नयाँ नियम

² मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

परमेस्वर को सच्चो वचन

² ताकी उनके मन कै धीरज मिलै और बे प्रेम से आपस मैं बने रहमैं, बे पूरी समझ को धन पाए लेमैं। ऐसे करकै बे परमेस्वर को भेद जो खुद मसीह है जान लेमैं।

कलस्सी 2:2 ပူးပေါင်းရင်းမြစ်များ

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

लूका 1:1

बहुत जद्धा माननीय थियोफिलस, हमरे बीचमे भए घटनाके बारेमे एक विवरण सँग्रह लिखनके ताहीं बहुत आदमी कोसिस करी हएं।

यूहन्ना 10:30

दौवा और मए एक हएं।”

यूहन्ना 10:38

पर अगर बे काम मिर दौवासे हएं कहेसे, मोके बिश्वास नाए करेसे फिर कमसेकम मिर काम देखके त बिश्वास करओ। तओ तुम जानैगे, कि दौवा मोएमे हए और मए दौवामे हओं।”

यूहन्ना 16:15

परमेश्वर लौंणाके प्रेम करत हए और सब चीज जो दौवाके हएं बे सब मेरे हएं, जहेमारे मए कहो कि, सल्लाहकार मेरे बात सब तुमके बताबैगो।”

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 5:17

जहेमारे येशू बिनसे कही, “मिर दौवा हबएतक काम करीरहोहए, और मए फिर काम करीरहो हओं।”

यूहन्ना 6:69

और हम बिश्वास करेहएं, और जाने हएं, कि तुमही परमेश्वरके तरफसे आएभए परमेश्वरको पबित्र सेवक हओ।”

प्रेरित 4:32

“बिश्वास करन बारेनको समुह, सबए एक ह्रदय और एक आत्माके रहएं, और बे मैसे एकफिर अपन सम्पति ‘जा मिर हए’ करके नाए कहात रहएं, पर बिनके सँगमे भओ सब चीज साझा रहए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

रोमियों 2:4

का तुम परमेश्वरकी भलाइ, सहनशीलता और धिरजरुपी धनके तुच्छ मानत हओ? और तुम जा नाए सम्झत हओ, कि परमेश्वरकी भलाइ तुमके पाप करन छोडके परमेश्वर घेन घुमन सिखात हए?

1 कोरिन्थी 14:31

तुम सब परमेश्वरके सन्देशको परचार कर सकत हओ, पर एकके पच्छु एक। ताकी हर कोइ सिखैगो और प्रोत्साहित होबैगो।

1 कोरिन्थी 2:12

हम उइसे नाए सोँचत हएं, जैसे संसारके आदमी करत हएं; बल्कि हम बो आत्मा पाए हएं जो परमेश्वरके घेनसे आत हए। हम जा बरदान जहेमारे पाए ताकी हम परमेश्वरको दओ भओ सब बातनके जान पामएं।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 3:16

मए प्राथना करत हओं, कि बाकी महिमाकी धन अनुसार शक्तिसे तुमके जा दान देबए और बाको आत्मा तुमके शान्ति देबए ताकी तुम अपनी आत्मामे मजबुत होबओ।

इफिसियों 3:3

जैसेकी मए छोटकरीमे तुमके पहिले लिखो रहओं, परमेश्वर अपनए मोके बो गुप्त योजनाके प्रकट करी।

इफिसियों 6:22

बोके मए तुमर ठिन जाकेमारे पठाओ हओं कि तुमके हमर हालचाल पता होबए, और बो तुमके प्रोत्साहित कर्पाबए।

फिलिप्पी 2:1

काहेकी तुम ख्रीष्टके हओ, तभीमारे तुम प्रोत्साहित भए हओ, काहेकी ख्रीष्टको प्रेम तुमर ताहीं भओ हए। तभीमारे तुम सान्त्वना पाएहओ, काहेकी तुम पबित्र आत्माको संगतीमे हओ, और ख्रीष्ट तुमर प्रति नम्र और दयालु हए।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

कलस्सी 1:26

अर्थात् बो रहस्यके, जौन युग-युगसे और बितो भओ पुस्तासे गुप्त रहए, पर अब परमेश्वरके बे पबित्र आदमीनमे प्रकट भओ हए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 1:9

जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

कलस्सी 3:14

और जे सबसे जरुरी काम जो तुमके करन चाहो बो जा हए, कि एक-दुस्रेसे प्रेम करओ।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

कलस्सी 4:8

तुखिकसके मए जाकेमारे तुमर ठिन पठाओ हओं, कि तुम बोसे जान पाबैगे कि हमर सँग का हुइ रहो हए, और बो तुमके बिश्वासमे मजबुत करैगो।

1 थेसलोनिकी 1:5

काहेकी हमर येशू ख्रीष्टके बारेमे सच्चो अच्छो समाचार तुमर ठिन केबल बोलिमे नाए आओ, पर पबित्र आत्माके शक्तिसे पुरा रुपमे पक्का हुइके आओ हए। तुमके पता भओ हए, कि जब हम तुमर सँग रहएं तओ हमर जीबन कैसो रहए।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

1 यूहन्ना 3:19

जब हम दुस्रेनसे प्रेम करत हएं, तओ जहेसे हम जान पामंगे, कि हम सत्यमे हएं। जब कभी फिर हमर मन हमके दोषी ठहिरात हए, तओ हम अपने मनके परमेश्वरको उपस्थितिमे बिश्राम दए सकत हएं, काहेकी परमेश्वर हमर मनसे बडो हए, और बा सब कुछ जानत हए।

1 यूहन्ना 5:7

जे तीन चीज गवाही देत हएं, कि येशू परमेश्वरसे आओ हए: