कलस्सी 2:15 - राना थारु नयाँ नियम

¹⁵ ख्रीष्ट येशू प्रधानतनके और सब अधिकारके शक्तिनके हराए दइ हए। और क्रूसमे मरके बा, जा प्रधानतनके और अधिकारके शक्तिनके सबके अग्गु लाज करबाए दइ, और बा इनसे जितिगओ।

परमेस्वर को सच्चो वचन

¹⁵ क्रूस के ऊपर मसीह खुदकै आत्मिक सासक और अधिकारिन की सक्ति से अपने आपकै मुक्त कर लई, और उनकै बिजय जुलूस मैं बंधक बनाएकै उनको सरेआम तमासा बनाई।

कलस्सी 2:15 ပူးပေါင်းရင်းမြစ်များ

मत्ती 12:29

तगडो आदमीके नाए बाँधके बोको घर भितरको धनसम्पति कैसे लुट पएहए? बो, तबतक बोको सम्पतिके लुट नाए पएहए जब तक तगडो आदमीके बाँधैगो नाए।

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

लूका 11:22

अगर बोसे फिर बलवान आएके बोके आक्रमण करके बोके जितैगो कहेसे, बोको भरोसा करो जम्मा हथियार छिनाएके लैचलो जएहए, और बोको मालसमान लुटके बाँटदेहए।

यूहन्ना 16:11

सल्लाहकार पापके बारेमे याद दिलाबैगो जाकेमारे, कि परमेश्वर पहिलीयएसे संसारको सासक शैतानकी शक्तिके दोषी ठहिराए डारी हए।”

यूहन्ना 19:30

जब येशू बो खट्टो रसाके चाखी, तओ कही, “अब मिर काम निभटिगओ,” और बा मुण झुकाएके अपन प्राण छोड दइ।

1 कोरिन्थी 15:24

फिर, जब ख्रीष्ट परमेश्वरको बिरोध करन बारे सब बुरे शक्तिनके नाश करदेबैगो। तओ ख्रीष्ट अपनो दौवा परमेश्वरको अपनो राज्य सौप देहए, ताकी बा बोके उपर पुरी रुपसे राज्य करए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

इफिसियों 4:8

येशू ख्रीष्टके बारेमे पबित्र-शास्त्र कहात हए, “बा स्वर्ग उपर चढत पेती बा बहुत कैदीनके अपने सँग लैगओ और आदमीनके उपहार दइ।”

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

कलस्सी 1:16

काहेकी जा ख्रीष्ट रहए, जौन सब चीज परमेश्वरके सँग मिलके सृष्टि करी रहए, बादर होए या पृथ्वी, देखन बारी होए या नाए देखन बारी, चहुँ सिंहासन होए या राजा, चहुँ प्रधानता होए या अधिकार जे सब ख्रीष्टद्वारा और ख्रीष्टके आदर देनके ताहीं बनाए गए हएं।

कलस्सी 2:10

और ख्रीष्ट सब शक्ति और अधिकारमे सबसे बडो हए। तहिमारे अगर तुम ख्रीष्टमे हओ, कहेसे तुमके कोइ फिर चीजको कमी नाए हुइहए।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।