प्रेरित 9:22 - राना थारु नयाँ नियम

²² पर शाऊल और जद्धा शक्तिशाली होत परचार करन सुरु करदइ। और येशूए ख्रीष्ट हए कहिके पक्का प्रमाण दइ कि दमस्कस सहरमे रहान बारे यहूदी कुछु फिर जबाफ नाए दइ पाइं।

परमेस्वर को सच्चो वचन

²² लेकिन साऊल को उपदेस और सक्तिसाली ही गै, बौ प्रमाड़ देत रहो की ईसु मसीहा रहै, बौ इतनो आस्वस्त रहै कि दमिस्क मैं रहेन बारे यहूदि बाको उत्तर नाय दै सकत रहैं।

प्रेरित 9:22 ပူးပေါင်းရင်းမြစ်များ

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

प्रेरित 17:3

पावल पबित्र-शास्त्रसे प्रमाण दइके बिनके अइसे सम्खाइ, “मुक्ति देन बारो राजा ख्रीष्ट दु:ख उठाएके मरनके रहए, और मरके जिन्दा होनके फिर रहए, और मए जौनके बारेमे तुमके सुनात हओं बहे येशू मुक्ति देन बारो ख्रीष्ट हए।”

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

प्रेरित 9:21

तओ सुनन बारे सब अचम्मो मनके कहीं, “का जा बहे आदमी नाए हए जो यरूशलेम सहरमे उनके मारत रहए जो ख्रीष्ट येशूमे बिश्वास करत रहएं? और का हिना फिर जा जहेमारे नाए आओ रहए, कि उनके बाँधके मुखिया यहूदी पुजारीके ठिन लैजाए?”

प्रेरित 9:23

जब शाऊलके दमस्कस सहरमे रहे बहुत दिन हुइगओ रहए, तओ यहूदी मिलके बोके मारडारन्के षड़यन्त्र बनाइं।

प्रेरित 9:27

पर बारनाबास शाऊलके अपने सँग चुनेभए चेलनके ठिन लैगओ। शाऊल, डगरमे प्रभुके देखो भओ और प्रभु बोसे बातचित करो भओ और दमस्कस सहरमे येशूको नाउँमे सहाससे परचार करो भओ, सब बात बारनाबास बिना डराएके उनके बताए दइ।

1 कोरिन्थी 1:27

बल्कि, परमेश्वर अइसे आदमीनके चुनी, जौनके संसार मुरख सम्झत हए, ताकी बे आदमीनके सरमबाए देबए जो सोँचत हएं, कि बे ज्ञानवान हएं। और परमेश्वर अइसे आदमीनके चुनी जो निर्बल हएं, ताकी उनके सरममे पारए जो बलवान हएं।

गलातियों 1:18

फिर तीन बर्ष पिच्छु मए येशूसे चुनो भओ चेला पत्रुससे मिलनके ताहीं यरूशलेम सहरमे गओ, और बोकेसँग पन्ध्र दिनतक रहो।

फिलिप्पी 4:13

ख्रीष्टके द्वारा जौन मोके शक्ति देतहए, बहेमे मए सब कुछ कर सकत हओं।

1 तिमोथी 1:12

मए हमर प्रभु येशू ख्रीष्टके धन्यबाद देत हओं, जौन मोके शक्ति दइ, कि बा मोएमे भरोसा करके अपनो सेवाको काममे लगाबए।