प्रेरित 6:14 - राना थारु नयाँ नियम

¹⁴ काहेकी हम बोके जा कहात सुनेहएं, कि जहे नासरतको येशू जा मन्दिरके भत्काए देबैगो, और बे रिति रिबाजके बदल देबैगो जो मोशा हमके सौँपी रहए।”

परमेस्वर को सच्चो वचन

¹⁴ हम बासे जौ कहत सुने हैं कि जहे ईसु नासरी जौ मंदिर कै उजाड़ देगो, और बे रीतियन कै बदल देगो जोकी मूसा हमकै दई है!”

प्रेरित 6:14 ပူးပေါင်းရင်းမြစ်များ

मत्ती 26:61

और कहीं, “जा आदमी कही हए, ‘मए परमेश्वरको मन्दिरके उजाणके जाके तीन दिनमे बनाए देहओं।’”

मर्कूस 14:58

“जाके अइसे कहात हम सुनेहएं, ‘आदमीको बनाओ भओ जा मन्दिर मए उजाड देमंगो, और तीन दिनमे मए दुस्रो मन्दिर बनाए देमंगो।’”

लूका 21:24

बे तरवारसे मारे जामंगे, और सब देशमे कैदी बनाएके लैजाए जएहएं। और गैर-यहूदी आदमीनको समय पुरा नाए होनतक बे यरूशलेम सहरके जितके टाँग तरे कब्जा करहएं।”

लूका 21:6

“तुम जो देखरहे हओ, अइसो समय आबैगो, जब एक पत्थर उपर दुस्रो पत्थर नाए रहाबैगो, बे सब भसक जएहएं।”

यूहन्ना 2:19

येशू बिनके जबाफ दइ, “जा मन्दिरके उजाड देओं? और मए फिर तीन दिनमे जाके दुबारा बनाए देमंगो।”

यूहन्ना 4:21

येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे।

प्रेरित 15:1

कुछ यहूदी बिश्वासी, यहूदिया परदेशसे एन्टिओखीया सहरमे आए और बिश्वासी ददाभइयनके सिखान लागे: “अगर मोशाको दओ भओ नियम कानुनको रिति अनुसार तुमर खतना नाए हुइहए तओ तुम उद्धार नाए पए हओ।”

प्रेरित 21:21

बे यहूदी बिश्वासी तुमर बारेमे फिर कुछ बात बताइ हएं। बो का हए, कि ‘गैर-यहूदीके बीचमे बैठन बारे यहूदी समुहनके तुम मोशाको नियम कानुनके छोड देओ और बिनके बालकाके खतना मत् करीयओ और यहूदी रितिथिति पालन मत् करीयओ करके सिखाइ हएं।’

प्रेरित 25:8

पावल अपनो पक्षमे बोलतए कही, “मए यहूदीनको नियम कानुनके बिरुद्धमे, मन्दिरके बिरुद्धमे, और रोमको महाराजा कैसरको बिरुद्धमे कछु अपराध नाए करो हओं।”

प्रेरित 26:3

काहेकी तुम यहूदीनके सब चलन और बाद-बिबादको बात जानत हओं। जहेमारे मिर बयान धिरजसे सुनदेहओ करके मए बिन्ती करत हओं।

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

गलातियों 3:19

परमेश्वर कौन उदेश्यसे इस्राएल आदमीनके मोशाको नियम कानुन दइ? बा त अपराधन्के मारे पिच्छु दइ हए, मोशाको नियम कानुनके तबतक रहिरहान रहए। जबतककी अब्राहामको बो सन्तान नाए आएजाए, जौनको बारेमे परमेश्वर प्रतिज्ञा करी रहए। परमेश्वर अपनो नियम कानुन स्वर्गदूतसे मोशाके दइ, जो परमेश्वर और आदमीनके बीचमे मध्यस्थ रहए।

गलातियों 3:23

पर ख्रीष्टके आनसे पहिले, हमके यहूदीनको कैदमे धरो गओ रहए, और नियम कानुन हमके रखबाली करत रहए। और हमके कैदी कता धरे रहए, जबतककी परमेश्वर जा नाए प्रकट करए कि ख्रीष्ट कौन रहए, और हम बाके उपर बिश्वास करएं।