प्रेरित 28:31 - राना थारु नयाँ नियम

³¹ बो बिना डर और बिना कोइ रुकावटसे परमेश्वरको राज्यको परचार करतए प्रभु येशू ख्रीष्टके बारेमे सिखातए रहो।

परमेस्वर को सच्चो वचन

³¹ बौ परमेस्वर के राज्य के बारे मैं प्रचार करी और प्रभु ईसु मसीह के बारे मैं सिखाई, जो बेझिजक और आजादी के संग बोलत रहै।

प्रेरित 28:31 ပူးပေါင်းရင်းမြစ်များ

मत्ती 4:23

और येशू सब गालील परदेशमे फिरत रहए, तओ येशू बिनके यहूदी सभाघरमे शिक्षा देत, परमेश्वरको राज्यको अच्छो समाचार परचार करत, और आदमीमे भए सबए रोग और शरीरके कमजोरी अच्छो करी।

मर्कूस 1:14

कुछ दिन पिच्छु, बप्तिस्मा देन बारो यूहन्ना पकणिगओ, और जेलमे पणिगओ, तओ पिच्छु परमेश्वरको राज्यके बारेमे आदमीनके अच्छो समाचार परचार करत येशू गालील परदेशमे आओ।

लूका 8:1

कुछ दिन पिच्छु येशू बजार-बजार और गाउँ-गाउँ होत परचार करत रहए, और परमेश्वरको राज्यको अच्छो समाचार परचार करत फिरन लागो, और बे बाह्र चेला येशूके सँगए-सँग रहएं।

प्रेरित 1:3

येशूके दुख उठान और मरनके बाद बहुतसे पक्को प्रमाणसे अपनएके जिन्दा हओं कहिके दिखाइ। और चालिस दिनतक बा अपनो चुनेभए चेलनके दिखाइ देत रहो, और परमेश्वरकी राज्यकी बात करतए रहो।

प्रेरित 20:25

अब देखओ, मए जानत हओं, कि तुम मैसे सब जनै जौन-जौनके मए परमेश्वरको राज्यको परचार करत नेँगो, तुम मोके दुबरा नाए देखैगे।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 28:30

अपनए भाणामे लओभओ बहे डेरामे पावल दुई सालतक बैठो। पावल अपनएके भेँटन आन बारेनके सबके स्वागत करत रहए।

प्रेरित 4:29

अब हे प्रभु बिनको धम्कीके सुनओ और तुमर सन्देशके सहाससे परचार करन अपने सेवकनके शक्ति देओ।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 5:42

और हर दिन चुनेभए चेला मन्दिरमे और घर-घरमे जाएके “येशूए ख्रीष्ट हए” करके अच्छो समाचार सिखान और परचार करनके नाए छोडीं।

प्रेरित 8:12

जब आदमी परमेश्वरको राज्य और येशू ख्रीष्टको नाउँमे अच्छो समाचारमे फिलिपको सन्देशको परचार सुनके बिश्वास करीं, तओ सबए लोग और बैयर बप्तिस्मा लैं।

फिलिप्पी 1:14

और मए जेलमे भओके कारण बहुतसे बिश्वासी ददाभइया प्रभुमे बल पाइगए हएं, और बे बिना डरके परमेश्वरको अच्छो समाचार सुनान बारे भए हएं।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।