प्रेरित 21:24 - राना थारु नयाँ नियम

²⁴ इनके लैके तुम फिर इनके सँगएसँग शुद्ध करनको बिधि पुरा करओ, और इनके चाहन बारो खर्च तुम दइदियओ, और जे बार खौरएं। अइसियए तुम मोशाको नियम कानुन पालन करत देखत तुमर बारेमे सुनो कुछु बात सत्य हए करके सब पता पाइ हएं।

परमेस्वर को सच्चो वचन

²⁴ उनकै संग लैजाय कै उनसे अपने आपकै सुद्ध कर; और उनको खर्चा दे, कि बे मूड़ मुड़बाय लेमैं। तौ सब जान जांगे, कि जो बात उनकै तेरे बारे मैं बताईं हैं, बे सच नाय हैं बल्कि तैं खुदै मूसा के नियम कै मानत भै चलथै।

प्रेरित 21:24 ပူးပေါင်းရင်းမြစ်များ

यूहन्ना 11:55

यहूदीनको निस्तार तेवहार ढिँगै रहए, और गाउँ-गाउँसे बहुत जनै अपनएके शुद्ध करनके ताहीं यहूदीनको निस्तार तेवहारको सुरु होनेसे अग्गु यरूशलेम सहरमे गए।

यूहन्ना 3:25

हुवाँ बप्तिस्मा देन बारो यूहन्नाके चेलनके, कोइ यहूदी दलके नेतनके सँग, यहूदीनको पुर्खनको धार्मिक चलनमे भओ, हात धोन बारो चलनके बारेमे बाद-बिबाद हुइगओ।

प्रेरित 18:18

पावल बहुत दिनतक प्रभुमे बिश्वासी ददाभइयनके सँग कोरिन्थ सहरमे बैठो। तओ फिरके बो बिदा हुइके समुन्दरको डगर हुइके सिरिया परदेशमे चलो गओ। बोके सँग प्रिस्‍किला और अकिलास फिर रहएं। सिरिया परदेश जानसे पहिले किंक्रिया सहरमे पावल अपनो बार खौरबाएलै, काहेकी बो एक भाकल करी रहए।

प्रेरित 21:26

दुस्रे दिन पावल बे आदमीके सँगए जाएके अपनएके शुद्ध करी। तओ मन्दिर गओ, और जा परचार करी, कि शुद्धको दिन कब खतम हुइगओ, और बिन मैसे हरेकके ताहीं भेँटी चढाओ जाबैगो।

प्रेरित 24:18

बहे समय बे मन्दिरमे मोके शुद्ध होन बारो बिधि पुरा करत देखीं। हुवाँ कोइ भिड मिर पच्छु नाए लागी रहए, और हुलदङ्गा फिर नाए भओ रहए। पर हुवाँ एशिया परदेशके कोइ यहूदी आदमी रहएं, बे मोके देखी रहएं।

1 कोरिन्थी 9:20

यानिकी, जब मए यहूदीनके सँग हओं, तओ मए उनके ख्रीष्टमे लानके ताहीं एक यहूदी कता रहात रहओं ताकी जद्धासे-जद्धा आदमीनके ख्रीष्टमे बिश्वास करनके ताहीं लाओं। जब मए बे आदमीनके सँग रहओं जो यहूदी नियम कानुनके मानत हएं, तओ मए फिर बो नियम कानुन कता रहात रहओं। हियाँतककी, मोके नियम कानुनके माननके जरुरत नाए हए। मए अइसे जहेमारे करो ताकी मए बे आदमीनके ख्रीष्टमे लाए पामओं, जो नियम कानुनके अधीनमे हएं।

गलातियों 2:12

पत्रुस गैर-यहूदी बिश्वासीनके सँग खानु खाए करत रहए। जबतककी यरूशलेम सहरसे याकूबके घेनसे पठाए गए कुछ बिश्वासी एन्टिओखिया सहरमे नाए आए, पर जब याकूबके द्वारा पठाए गए कुछ बिश्वासी यरूशलेम सहरसे आए। तओ बो उनके सँग मोल-तोल करन और खानु खान बन्द करदइ, काहेकी पत्रुस बे खतना करेभए यहूदीनको समुहसे डरात रहए।