प्रेरित 2:23 - राना थारु नयाँ नियम

²³ परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

परमेस्वर को सच्चो वचन

²³ अपनी योजना के अनुसार परमेस्वर पहलिये तैं कर लई रहै की ईसु कै तुमकै सौंप दौ जागो; और तुम पापियन के हात से क्रूस मैं चढ़ायकै बाकै मार डारे।

प्रेरित 2:23 ပူးပေါင်းရင်းမြစ်များ

मत्ती 20:19

बोके गिल्ला करके, कोर्रा लगए हएं, और क्रूसमे टाँगए करके बे अन्यजातिनके हातमे सौपंगे, और तीन दिनमे बो जिन्दा हुइके उठजए हए।”

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

मत्ती 27:35

तओ बे येशूके क्रूसमे चढाइं, और चिट्ठा डारके बाको कुर्ता आपसमे बाँटलैं।

मर्कूस 15:24

बे येशूके क्रूसमे टाँगीं। और येशूको कौनछो कुर्ता कौन पएहए कहिके निर्णय लेनके ताहीं बे चिट्टा डारीं।

लूका 22:22

काहेकी मए आदमीको लौंणाके ता, पबित्र-बचनमे कहाओगओ अनुसार जानए पणैगो। पर बो आदमीके डर लागन बारो सजाय होबैगो, जौन मोके पकणबाए देहए।”

लूका 22:37

काहेकी मए तुमसे कहात हओं, पबित्र-शास्त्रमे लिखो भओ ‘बाके अपराधीनके सँग गिनोगओ’ बात मोएमे पुरा होन पणैगो। काहेकी मिर बारेमे जो बचन लिखो हए, बो नेहात्तओ पुरा होनडटो हए।”

लूका 23:33

जब बे खप्‍परे कहान बारो ठिहामे आए, तओ हुवाँ बे बाके क्रूसमे टाँगीं, और बे अपराधी मैसे एक आदमीके दहिना घेन और दुस्रेके दिबरा घेन क्रूसमे टाँगीं।

लूका 24:20

पर मुखिया यहूदी पुजारी और हमर सासक बाके मृत्युदण्डके ताहीं सौँपी, और बाके क्रूसमे टाँगी।

यूहन्ना 19:18

हुवाँ सिपाही येशूके और बाके सँग और दुई आदमीके क्रूसमे टाँगी, एकके दहिना घेन और दुस्रोके दिबरा घेन और येशूके बे दुई जनैके बीचमे।

यूहन्ना 19:24

सिपाही एक-दुस्रे कहीं, “जाके नाए फारएं, पर चदराके ताहीं चिट्टा डारएं, कि जा कौनको हुइहए।” जा जहेमारे भओ। “बे मिर कुर्ता अपनए-अपनामे बाँटीं, और बाहिरको चदराके चिट्टा डारीं” कहिके पबित्र-शास्त्रमे लिखो भओ बचन पुरा होन आओ।

प्रेरित 13:27

यरूशलेम सहरके आदमी और उनके अगुवा येशू ख्रीष्टके नाए चिन पाइं। और बे अगमबक्तनको बो बचनके नाए सम्झीं, जौनके बे हर पबित्र दिनमे पढत रहएं। जहेमारे बे येशूके दोषी ठहिराइं और बाके मृत्युदण्ड दइके बे धर्मशास्त्रमे बाके बारेमे लिखेभए बातके पुरा करीं।

प्रेरित 15:18

जा बात परमप्रभु कहात हए, जो सृष्टिको सुरुसे जे बात बताइ रहए।’

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

प्रेरित 3:18

ख्रीष्टके दुख भोगन पणैगो और मरन पणैगो करके परमेश्वर सब अगमबक्तनके द्वारा जा बातके सत्य करके दिखाइ हए।

प्रेरित 4:28

पर बे बहे करीं जो तुमर सामर्थ्य और इच्छासे पहिलीए तयार करलै रहए, कि होनए पणो।

प्रेरित 5:28

“का हम तुमके येशूके नाउँमे फिरसे कोइके कुछु मत् कहियओ कहिके आज्ञा नाए दए रहएं? तहुँफिर तुम त सारे यरूशलेम सहरमे अपनो शिक्षासे भर दएहओ। और तुम बाको खुनको दोष जबरजत्ती हमर उपर लगान चाँहत हओ।”

प्रेरित 5:30

हमरे दौवा-पुर्खाको परमेश्वर येशूके मरो भओ मैसे जिन्दा करी, जौनके तुम क्रूसमे टाँगके मारडारे रहओ।

प्रेरित 7:52

सबए अगमबक्तनके तुमर पुर्खा सताइं। और बे आदमी अगमबक्तनके मारडारीं, जौन ख्रीष्टके बारेमे अगमबाणी करी रहएं, जौन ख्रीष्ट धर्मी रहए। और जब ख्रीष्ट आओ तओ तुम बाके धोखा दए और बाके मारडारे।

रोमियों 2:12

जहेमारे, कि जौन मोशाको नियम कानुन पाए बिना पाप करी, बे बिना नियम कानुनके परमेश्वरके द्वारा दण्ड पामङगे। और जौन मोशाको नियम कानुन पाएके पाप करीहए, उनको दण्ड नियम कानुन अनुसार होबैगो।

रोमियों 4:17

पबित्र-शास्त्र कहात हए कि, “मए तोके बहुतसे जातिनको पुर्खा ठहिराओ हओं।” परमेश्वरकी दृष्टिमे अब्राहाम हमर दौवा हए। अब्राहाम बहे परमेश्वरमे बिश्वास करी, जो मरे भएनके जिन्दा करत हए और बे चिजनके फिर अस्तित्वमे लात हए जौनको अस्तित्व नाए हए।

1 थेसलोनिकी 2:15

बे यहूदी प्रभु येशूके और अगमबक्तनके फिर मारडारीं और हमके सताइं, बे परमेश्वरके मन नाए पणन बारो काम करीं और सब आदमीनको बिरोधी हुइगए।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।