प्रेरित 18:27 - राना थारु नयाँ नियम

²⁷ तओ फिर अपोल्लोस अखैया परदेशमे जानके बिचार करी। और एफिसस सहरमे भए प्रभुमे बिश्वासी ददाभइया चेलनके जानके ताहीं उत्सहा दइं और अपोल्लोसके स्वागत करीयओ कहिके हुवाँ बैठन बारे चेलनके एक चिट्ठी फिर लिखदइं। अखैया परदेशमे पुगके अपोल्लोस हुवाँ प्रभुको अनुग्रहके कारणसे बिश्वासमे आएभएनके बहुत मदत करी।

परमेस्वर को सच्चो वचन

²⁷ तौ अपुल्लोस अखाया के झोने जान को फैसला करी, जहे बजह से इफिसुस के भईय्या अखाया मैं चेलन कै लिखकै मदत करीं, उनको स्वागत करन को बड़ाबा करीं। जब बौ आओ, तौ बौ बे लोगन के ताहीं एक बड़ो मदतगार रहै, जो परमेस्वर के अनुग्रह और किरपा से बिस्वास करन बारे रहैं।

प्रेरित 18:27 ပူးပေါင်းရင်းမြစ်များ

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 15:34

पर सिलास एन्टिओखिया सहरमे रहानके फैसला करी, जहेमारे यहूदा अकेलो यरूशलेम सहरमे लौटके गओ।

प्रेरित 18:12

अखैया परदेशके इलाकामे गलियोन कहान बारो आदमी, बडो हाकिम भओबेरा यहूदी मिलके पावल उपर आक्रमण करीं, और बोके पक्णी। तओ बोके बडो हाकिम ठिन अदालतमे लैजाएके कहीं,

प्रेरित 18:18

पावल बहुत दिनतक प्रभुमे बिश्वासी ददाभइयनके सँग कोरिन्थ सहरमे बैठो। तओ फिरके बो बिदा हुइके समुन्दरको डगर हुइके सिरिया परदेशमे चलो गओ। बोके सँग प्रिस्‍किला और अकिलास फिर रहएं। सिरिया परदेश जानसे पहिले किंक्रिया सहरमे पावल अपनो बार खौरबाएलै, काहेकी बो एक भाकल करी रहए।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।

प्रेरित 9:27

पर बारनाबास शाऊलके अपने सँग चुनेभए चेलनके ठिन लैगओ। शाऊल, डगरमे प्रभुके देखो भओ और प्रभु बोसे बातचित करो भओ और दमस्कस सहरमे येशूको नाउँमे सहाससे परचार करो भओ, सब बात बारनाबास बिना डराएके उनके बताए दइ।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 16:3

फिर, जब मए हुवाँ रहामंगो तओ मए बेहीं आदमीनके पठामंगो, जौनके तुम भरोसा करके चुने रहओ, कि बे भेँटी यरूशलेम सहरके मण्डलीनमे लैके जामएं। मए उनके सँग एक चिट्ठी पठामंगो, ताकी हुवाँके बिश्वासीनसे उनको परिचय करबाए पामओं।

1 कोरिन्थी 3:6

तुमके परमेश्वरको सन्देश बतान बरो मए पहिलो आदमी रहओं, जहेमारे मए बो आदमी कता हओं जौन खेतमे बीज बोइ। बोको पिच्छु, अपोल्लोस तुमके तुमर बिश्वासके मजबुत होनके मदत करी, ठिक उइसीयए कोइ दुस्रो आदमी बे पेणनके पानी देतहए जो बढन लगे हएं। पर परमेश्वर तुमके नयाँ जीबन दइ हए और तुमके आत्मिक रुपसे बढनमे मदत कर रहो हए, जैसे परमेश्वर पेणके बढात हए।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

फिलिप्पी 1:25

और जहेमारे, कि मोके जाको भरोसा हए। मए जानत हओं, कि मए जिन्दा रहामंगो, और तुम सबके सँग रहिके मए तुमर बिश्वासमे मजबुत होनके और बोमे खुसी होनके ताहीं मदत करंगो।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

कलस्सी 4:10

अरिस्‍तार्खस जो मेरे सँग जेलमे हए, और यूहन्ना मर्कूस जो बारनाबासको भइया लगत हए। मए जानत हओं, कि तुमके पहिलीयए यूहन्ना मर्कूसके बारेमे एक चिट्ठी मिलो हए, कि अगर बो तुमर ठिन आए, तओ बोसे अच्छेसे स्वागत करीयओ।