प्रेरित 1:15 - राना थारु नयाँ नियम

¹⁵ और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

परमेस्वर को सच्चो वचन

¹⁵ कुछ दिनन के बाद पतरस सब विस्वासी भईय्यन के बीच मैं, जो एक सौ बीस आदमी के लमसम रहैं, बौ हूँना ठाड़कै कहेन लागो।

प्रेरित 1:15 ပူးပေါင်းရင်းမြစ်များ

मत्ती 13:31

येशू बिनसे दुसरी कहानी कही, “परमेश्वरको राज्य भादीको दाना जैसो हए, जो एक आदमी लैजाएके अपन बारीमे लगाइ।

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

यूहन्ना 14:12

नेहात्तओ मए तुमसे कहात हओं, मोएमे बिश्वास करन बारे मए करोजैसो काम करैगो, और बोसे फिर बडो-बडो शक्तिशाली चमत्कार करैगो काहेकी मए दौवा ठिन जाएरहो हओं।

यूहन्ना 21:23

जहेमारे जा बात बिश्वासी ददाभइयनमे फैलीगओ, कि बो दुस्रो चेला नाए मरैगो। तहुँफिर येशू बोसे जा नाए कही रहए, कि जा नाए मरैगो, बल्कि जा कही रहए, “अगर मए चाँहत हओ, कि जा मेरे लौटन तक जिन्दा रहाबए, तओ तोए का?”

प्रेरित 10:23

तओ पत्रुस उनके भितर बुलाएके उन्हए रहानके ताहीं ठाउँ दइ। और दुस्रे दिन, पत्रुस उनके सँगमे गओ; और योप्पा गाउँमे भए प्रभुमे बिश्वास करन बारे कुछ बिश्वासी ददाभइया फिर बे आदमीनके सँग गए।”

प्रेरित 11:1

गैर-यहूदी आदमी फिर परमेश्वरको बचनमे बिश्वास करी हएं कहान बारी बात औ चुनेभए चेला और यहूदिया परदेशमे प्रभुमे बिश्वास करन बारे बिश्वासी ददाभइया फिर सुनीं।

प्रेरित 11:12

नाए हिचकिचाएके बिनके सँग जानके पबित्र आत्मा मोसे कही। और जे छय बिश्वासी ददाभइया फिर मिर सँग आए रहएं, और हम सब कर्नेलियसके घरमे घुसे।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 11:29

अगाबसको भबिष्यबाणी सुनके प्रभुके चेला यहूदिया परदेशमे भए बिश्वासी ददाभइयनके ताहीं अपनो क्षेमता अनुसार दान देनके निर्णय करीं।

प्रेरित 12:17

तओ पत्रुस उनके अपनो हातसे संकेत करी, कि चुप रहाओ; और उनके बताइ, कि प्रभु कौन रितिसे बोके जेलसे निकारके लाइ हए। फिर पत्रुस उनसे कही, “याकूब और बिश्वासी ददाभइयनके जा बताए दियओ।” तओ पत्रुस हुवाँसे निकरके दुस्रो ठाउँमे चलो गओ।

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 15:1

कुछ यहूदी बिश्वासी, यहूदिया परदेशसे एन्टिओखीया सहरमे आए और बिश्वासी ददाभइयनके सिखान लागे: “अगर मोशाको दओ भओ नियम कानुनको रिति अनुसार तुमर खतना नाए हुइहए तओ तुम उद्धार नाए पए हओ।”

प्रेरित 15:3

मण्डलीके बिश्वासी ददाभइया और दिदिबहिनिया बिनके यात्रामे जानके ताहीं रुपैया और भोजन उपलब्ध करीं। और बे फोनिके और सामरिया परदेश होतए गैर-यहूदीनके अच्छो समाचार सुनात, कैसे ख्रीष्टमे बिश्वासी बनरहेहएं कहिके सुनातए गए, और सब बिश्वासी बहुत आनन्दित भए।

प्रेरित 16:2

लुस्त्रा सहर और आइकोनियन सहरमे भए प्रभुमे बिश्वासी ददाभइया तिमोथीके अच्छो आदमी मानत रहएं।

प्रेरित 16:40

जेलसे निकरनके बाद पावल और सिलास लिडियाके घरमे गए। हुवाँ बे प्रभुमे बिश्वासी ददाभइयनसे भेँटघाट करीं, और बिनके उत्सहा दइके हुवाँसे चलेगए।

प्रेरित 17:10

रात पणतए खीना प्रभुमे बिश्वासी ददाभइया पावल और सिलासके मेशोदोनिया परदेशको बेरिया सहरमे पठाए दइं। और जब बे हुवाँ पुगे, तओ यहूदीनको यहूदी सभाघर भितर गए।

प्रेरित 17:14

तओ जा देखतए खीना प्रभुमे बिश्वासी ददाभइया, पावलके तुरन्त समुन्दर किनारे पठाए दइं। पर सिलास और तिमोथी हुनै बेरिया गाउँमे बैठे।

प्रेरित 17:6

पर बे पावल और सिलासके हुवाँ नाएपाइं। तभीमारे बे यासोन और प्रभुमे बिश्वासी ददाभइयनके खिँचके ल्याइं। उनके सहरको हाकिमके ठिन पुगाएके चिल्लातए कहीं, “जा आदमी हरेक ठिहामे परेसानी फैलाएदइ हएं, बे आदमी अभए हमरे सहरमे फिर आइगए हएं।

प्रेरित 18:18

पावल बहुत दिनतक प्रभुमे बिश्वासी ददाभइयनके सँग कोरिन्थ सहरमे बैठो। तओ फिरके बो बिदा हुइके समुन्दरको डगर हुइके सिरिया परदेशमे चलो गओ। बोके सँग प्रिस्‍किला और अकिलास फिर रहएं। सिरिया परदेश जानसे पहिले किंक्रिया सहरमे पावल अपनो बार खौरबाएलै, काहेकी बो एक भाकल करी रहए।

प्रेरित 18:27

तओ फिर अपोल्लोस अखैया परदेशमे जानके बिचार करी। और एफिसस सहरमे भए प्रभुमे बिश्वासी ददाभइया चेलनके जानके ताहीं उत्सहा दइं और अपोल्लोसके स्वागत करीयओ कहिके हुवाँ बैठन बारे चेलनके एक चिट्ठी फिर लिखदइं। अखैया परदेशमे पुगके अपोल्लोस हुवाँ प्रभुको अनुग्रहके कारणसे बिश्वासमे आएभएनके बहुत मदत करी।

प्रेरित 21:17

और जब हम यरूशलेम सहरमे आइगए, तओ बिश्वासी ददाभइया हमके खुसीसाथ स्वागत करीं।

प्रेरित 21:20

जा सुनके पिच्छु बे परमेश्वरको महिमा करीं। तओ बे कहीं, “हे भइया, तुम जानत हओं, यहूदी समुहके बीचमे बिश्वास करन बारे हजारौँ हएं, और बे मोशाको नियम कानुन ध्यानसे पालन करत हएं।

प्रेरित 21:7

टुरोस गाउँसे समुन्दरको यात्रा पुरा करके हम टोलेमाइस गाउँमे आए पुगे। हुवाँ बिश्वासी ददाभइयनके नमस्कार करके बिनके सँग एक दिन बैठे।

प्रेरित 22:5

प्रधान यहूदी पुजारी और जम्मए यहूदी सभाघरके यहूदी अगुवनको समुहके फिर मिर पक्षमे गवाही देत हएं, प्रधान यहूदी पुजारीके द्वारा दमस्कस गाउँमे यहूदी समुहके भइयनसे चिट्ठी पाएके मए बो हुवाँके बिश्वासी ददाभइयनके बाँधके यरूशलेम सहरमे लाएके सजाए देनके ताहीं दमस्कस सहरमे गओ रहओं।”

प्रेरित 28:14

हुवाँ हम प्रभुमे बिश्वासी ददाभइयनके भेँटे। बे हमके एक हप्तातक बैठओ कहिके बिन्ती करीं। और अइसियए, उनके सँग रहानके बाद हम भूमि मार्गसे रोम सहर घेन अपनो यात्रा सुरु करे।

1 कोरिन्थी 15:6

फिर पाँच सओसे जद्धी बिश्वासी ददाभइयनके एकए सँग दिखाइ दइ, जौन मैसे बहुत जद्धा जिन्दा हएं और कुछ मरीगए हएं।

प्रकाश 11:13

बहे समयमे, यरूशलेम सहरमे एक बहुत भारी हालाचाला आओ, और सहरके घरन्को दशौँ भाग गिरिगओ; और बचे भए आदमी, जौन आदमी नाए मरे रहएं बे बहुत डराइगए, जहेमारे बे स्वर्गको परमेश्वरको महिमा करीं।

प्रकाश 3:4

पर तेरे बीचमे सार्डिस सहरमे कुछ आदमी हएं, जौन पापसे अशुद्ध नाएभए हएं, बे मेरे सँग शुद्ध सेतो कुर्ता लगाएके नेँगङ्गे, काहेकी बे लायकके हएं।