2 तिमोथी 4:14 - राना थारु नयाँ नियम

¹⁴ अलेक्जेन्डर जो लोहोरा रहए बो मोके बहुत तरिकासे मोके चोट पुगाइ हए। प्रभु बोके बोको दुष्ट कामके अनुसार बदला देबैगो।

परमेस्वर को सच्चो वचन

¹⁴ सिकन्दर ठठेरा मेरो भौत नुकसान करी है; जो कछु बौ करी है बहे से प्रभु बाकै इनाम चुकागो।

2 तिमोथी 4:14 ပူးပေါင်းရင်းမြစ်များ

रोमियों 12:19

हे मेरे प्यारे ददाभइयओ, कभी फिर कोइसे बदला मत् लियओ पर तुमर ताहीं बदला लेनको मौका परमेश्वरके देओ, काहेकी पबित्र-शास्त्रमे प्रभु कहात हए, “बदला लेनको काम मिर हए, महीँ बदला लेमंगो।”

रोमियों 2:6

परमेश्वर हर आदमीनके उनको काम अनुसार प्रतिफल देहए।

2 थेसलोनिकी 1:6

काहेकी परमेश्वर हमेसा धार्मिकतासे न्याय करत हए, परमेश्वर बे आदमीनमे दु:ख लाबैगो, जौन तुमए दुख दइ हएं।

1 तिमोथी 1:20

उन्हीं मैसे हुमेनियस और अलेक्जेन्डर हएं, जौनके मए मण्डली मैसे बाहिर करदओ हओं। और उनके शैतानके शक्तिके हातमे सौँप दओ हओं। ताकी बे सिखएं कि परमेश्वरके बारेमे बदनाम नाए करन पणत हए।

2 तिमोथी 4:15

तोके अलेक्जेन्डरसे अपनएके बचान पणैगो, काहेकी अलेक्जेन्डर ख्रीष्टको बारेमे हमर शिक्षाके बहुत बिरोध करी।

1 यूहन्ना 5:16

अगर कोइ अपन बिश्वासी भइयाके पाप करत देखत हए, और बो पाप मृत्यु घेन नाए लैजतहए कहेसे, बो अपन भइयाके ताहीं परमेश्वरसे प्राथना करदेबए। और परमेश्वर बोके माफ करैगो, और बोके बा जीबन देहए। मए उनके बारेमे बोलरहो हओं, जोको पाप मृत्यु घेन नाए लैजात हए। अइसे पाप फिर हएं जो मृत्यु घेन लैजात हएं, मए बोके जा पापके बारेमे प्राथना करन नाए कहात हओं।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 18:6

जहेमारे मए कहात हओं, बो सहरके फिर उइसिए करओ, जैसे बो दुस्रे आदमीनके सँग करीहए। बोको सब बुरे कामनके ताहीं बक दुई गुणा जद्धा लौटाए दे। बो सहरके ताहीं दुई गुणा शक्तिशाली दुखकी तयारी कर, जैसो दुखसे बो दुस्रे आदमीनके सँग अत्याचार करी रहए।

प्रकाश 6:10

और बे अइसे कहिके जोडसे चिल्लात परमेश्वरसे कहीं, “हे सर्बशक्तिमान पबित्र और सत्य प्रभु; तुम पृथ्वीमे रहान बारे बे बुरे आदमीनके दण्ड देनमे इत्ना लम्बो आसरा काहे करत हओ? हम बिन्ती करत हएं कि तुम बे आदमीनको खुनको बदला लेए जौन हमएं मारडारीं।”