2 पतरस 3:1 - राना थारु नयाँ नियम

¹ हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।

परमेस्वर को सच्चो वचन

¹ मेरे प्रिय दोस्तौ, अब जौ दुसरी चिट्ठी तुमरे ताहीं लिखो हौं। दोनों चिट्ठी मैं जौ बातन की याद दिलात भै तुमरे मन मैं सुद्ध बिचार जगान की कोसिस करो हौं।

2 पतरस 3:1 ပူးပေါင်းရင်းမြစ်များ

मत्ती 5:8

धन्य हएं बे, जौनके ठिन शुद्ध ह्रदय हए, काहेकी बे परमेश्वरके देखंगे।

1 तिमोथी 5:22

कोइके उपर हात धरके, बोके एक मण्डलीके रेखदेख करन बारो सेवकके रुपमे मत् छान। जब तक बे अपनएके ख्रीष्टमे बिश्वासयोग्य साबित नाए करदेएं। अगर तए अइसो करैगो कहेसे बोको पापके ताहीं तए फिर जिम्मेबार होबैगो; अनैतिक बातसे अपनएके दुर धर।

2 तिमोथी 1:6

जहेमारे मए तोके याद करात हओं, कि परमेश्वरको बरदानके फिरसे प्रज्वलित कर, जो परमेश्वरद्वारा तोके तओ मिलो गओ हए, जब मए तेरे मुणमे अपनो हात धरो।

हिब्रू 6:9

मेरे प्यारे भइयओ! तुम असल काम कर रहेहओ। काहेकी परमेश्वर तुमके पहिलेसे मुक्ति दइ हए। जहेमारे जे चेतावनी तुमर बारेमे नाए हए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

2 पतरस 3:17

जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

2 पतरस 3:8

पर प्रिय हो, मए अभए कहानके जाए रहो बातके बेवास्ता मत् करओ: प्रभु एक दिनके ताहीं छोटो समयके रुपमे, और एक हजार बर्ष लम्बो समयके रुपमे नाए देखत हए। बा जे दुनौ एकए कता देखत हए।

यहूदा 1:5

तुम जे सब बात एकचोटी जाने रहओ, तहुँफिर अभए मए तुमके याद दिबान चाँहत हओं। प्रभु इस्राएलीनके गुलाम बननसे छुणाइ और बिनके मिश्रदेश मैसे बचाएके लाइ, पर पच्छु बामे बिश्वास नाए करन बारे सबएके बा मरुभूमिमे मारी।