2 पतरस 1:4 - राना थारु नयाँ नियम

⁴ और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।

परमेस्वर को सच्चो वचन

⁴ जौ तरह से बौ आपन कै दै भै भौतै सानदार और कीमती तोफा वादा के तौर मैं दई, ताकी जे तोफा के जरिया से तुम नास करन बारी वासना से जो दुनिया मैं है बच सकौ, और बाके ईस्वरीय स्वभाव के सहभागी हुई सकौ।

2 पतरस 1:4 ပူးပေါင်းရင်းမြစ်များ

रोमियों 9:4

बे इस्राएल देशके आदमी हएं, बे परमेश्वरके अपने सन्तान बनानके ताहीं छानी हएं, और परमेश्वर उनके अपनो महिमा दिखाइ। बा बिनसे अपनो करार बाँधी और बिनके अपनो नियम कानुन दइ। बिनके बाको आराधना करन और बाको अदभुत प्रतिज्ञा पान मौका रहए।

2 कोरिन्थी 1:20

काहेकी परमेश्वरके सब प्रतिज्ञा ख्रीष्टमे पुरा होत हए। जहेमारे परमेश्वरके महिमाके ताहीं हम “आमेन” कहात हएं।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

2 कोरिन्थी 6:17

जहेमारे परमप्रभु पबित्र-शास्त्र द्वारा कहात हए, “बे गैर-बिश्वासीनके बीचसे निकरके आओ जो परमेश्वरको आज्ञापालन नाए करत हए; बिनके बीचसे तुम अलग रहाओ, अशुद्ध चीजसे दुर बैठओ, और मए तुमके ग्रहण करंगो।

गलातियों 3:16

अइसियए, परमेश्वर अपनो प्रतिज्ञा अब्राहाम और अपने सन्तानके सँग करी; पबित्र-शास्त्रमे जा नाए लिखो हए, “और बोको सन्तानसे,” पर जा एक आदमीके बारेमे बात करत हए, जब जा कहात हए कि “संसारके सब आदमी तिर एक सन्तानके माध्यमसे आशिष पामंगे” और जा आदमी ख्रीष्ट हए।

गलातियों 6:8

अगर कोइ आदमी अपनो शारिरीक इच्छाके पुरा करत हए, तओ बो मृत्यु पाबैगो। तओ जौन बो इच्छाके पुरा करत हए, जो पबित्र आत्मा चाँहत हए, बोके कभी फिर नाश नाए होन बारो जीबन मिलैगो।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

हिब्रू 12:10

काहेकी हमर शारीरिक दौवा त उनके ठिक लागो अनुसार कुछ देनके ताहीं हमके अनुशासनमे धरीं। पर परमेश्वर हमर भलाइके ताहीं हमके अनुशासनमे धरत हए, ताकी हम फिर बहे कता पबित्र हुइपामएं।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

याकूब 1:27

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 3:13

पर हम परमेश्वरको प्रतिज्ञा अनुसार नयाँ बादर और नयाँ पृथ्वीको आसरा करत हएं। हुना धर्मी आदमी इकल्ले रहामंगे।

2 पतरस 3:9

कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।

1 यूहन्ना 2:25

और परमेश्वर हमके प्रतिज्ञा करीहए, कि बा हमएं कभी फिर नाश नाए होन बारो जीबन देबैगो।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।