2 पतरस 1:12 - राना थारु नयाँ नियम

¹² मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।

परमेस्वर को सच्चो वचन

¹² और इसलै मैं तुमकै हमेसा जे मामलेन की याद दिबांगो, भलेई तुम उन्हैं पहले से ही जानत होबौ और तुमरे जरिये मिली भइ सच्चाई के ऊपर मजबूती से स्थिर होमैं।

2 पतरस 1:12 ပူးပေါင်းရင်းမြစ်များ

प्रेरित 16:5

अइसियए मण्डलीके आदमीनको बिश्वास मजबुत होत गओ। और दिनएदिन प्रभुमे बिश्वास करन बारे आदमी बढतएगए।

फिलिप्पी 3:1

जहेमारे हे मेरे बिश्वासी ददाभइयओ, तुम प्रभुमे हओ कहिके आनन्दीत रहाओ। जौन बात मए तुमके पहिले लिखो हओं, बेहीं बात तुमके घरी-घरी लिखनमे मोके कोइ झन्झट नाए लागत हए, और जब मए बेहीं बात तुमके घरी-घरी कहात हओं तओ जा बात तुमके झुठे गुरुनसे बचाएके धरैगो।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

कलस्सी 2:7

ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

2 तिमोथी 1:6

जहेमारे मए तोके याद करात हओं, कि परमेश्वरको बरदानके फिरसे प्रज्वलित कर, जो परमेश्वरद्वारा तोके तओ मिलो गओ हए, जब मए तेरे मुणमे अपनो हात धरो।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

2 पतरस 1:13

मोके पता हए, कि मए जिन्दा रहानतक तुमर सँग बे बातके बारेमे बत्कातए रहान ठिक हए, ताकी तुम बे बात नाए भुलओ।

2 पतरस 1:15

तभीमारे मए तुमके जे बात अभए लिखके कडा मेहेनत कररहो हओं, ताकी मए मरनके बाद तुम जे बात सदा दिन याद करपाबओ।

2 पतरस 3:1

हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।

2 पतरस 3:17

जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

1 यूहन्ना 2:21

तुम सत्यके नाए जानत हओ कहिके मए नाए लिखो हओं, पर तुम सत्यके जानत हओ कहिके लिखो हओं। सत्यसे झुठ नाए निकरत हए कहान बारी बात फिर तुमके पता हए।

2 यूहन्ना 1:2

हम तुमसे प्रेम करत हएं, काहेकी हम सत्य शिक्षामे बिश्वास करत हएं, और हम बो शिक्षाके सदिमानके ताहीं थामे रहात हएं।

यहूदा 1:17

हे मेरे प्यारे सँगीउ, तुम हमर प्रभु येशू ख्रीष्टके चुनेभए चेलनको पहिलीए कहीभइ बात सम्झओ।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।

यहूदा 1:5

तुम जे सब बात एकचोटी जाने रहओ, तहुँफिर अभए मए तुमके याद दिबान चाँहत हओं। प्रभु इस्राएलीनके गुलाम बननसे छुणाइ और बिनके मिश्रदेश मैसे बचाएके लाइ, पर पच्छु बामे बिश्वास नाए करन बारे सबएके बा मरुभूमिमे मारी।