2 कोरिन्थी 12:20 - राना थारु नयाँ नियम

²⁰ काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

परमेस्वर को सच्चो वचन

²⁰ मोकै डर है, कहूँ ऐसो नाय होबै कि मैं आयकै जैसो चाहथौं, बैसो तुमकै नाय पामौ; और महुँ कै जैसी तुम ना पसंद करथौ बैसिये पाबौ; और तुमसे लड़ाई, सताव, गुस्सा, बिरोध, नफरत, चुगली, गुमान और बखेड़ा होमैं।

2 कोरिन्थी 12:20 ပူးပေါင်းရင်းမြစ်များ

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

रोमियों 1:30

और औरेके बदनाम करन बारे, परमेश्वरके घृणा करन बारे, हेंकण, अहंकारी, अभिमानी, दुष्ट काम ढुँणत नेँगन बारे, अइयादौवाके आज्ञापालन नाए करन बारे,

रोमियों 2:8

पर जो आदमी केवल अपनएके इकल्लो प्रेम करत हए, और सत्यके नाए मानत हए, बल्कि दुष्ट काम करन चाँहत हए, उनके उपर परमेश्वरको अपनो क्रोध और दिक्क अखनाबैगो।

1 कोरिन्थी 1:11

काहेकी, मेरे बिश्वासी ददाभइया, क्लोएके परिवारके आदमी मोके तुमर बारेमे बताइ हएं, कि तुमर बीचमे लणाइ होए रहो हए।

1 कोरिन्थी 14:33

काहेकी परमेश्वर गडबड करन बारो परमेश्वर नाए हए, पर शान्ति देन बारो परमेश्वर हए; जहे नियम परमेश्वरके आदमीनको हर मण्डलीनमे पालन करोजात हए।

1 कोरिन्थी 5:2

तुमके जाके बारेमे दुखए-दुखसे भरजानके रहए और बो आदमी जो बो करी, बोके मण्डलीसे निकार देन रहए, लेकिन जाको बदला तुम घमण्ड महसुस करत हओ।

2 कोरिन्थी 1:23

परमेश्वर मिर जा सच्चो बातको साक्षी हए, कि मए औरो चोटी कोरिन्थ सहरमे जाकेमारे नाए आओ काहेकी मए तुमके दुख देन नाए चाँहत रहओं।

2 कोरिन्थी 10:2

कुछ आदमीनके, हम जा संसारके आदमीनको तरिकासे काम करत हएं। जब मए तुमर ठिन आमंगो मए आसरा करत हओं, कि मए उनके सँग कठोर होमंगो। मए कठोरता साथ तुमसे जा बिन्ती करत हओं, कि जब मए आमंगो तओ मोके तुमर साथ कठोर ब्यबहार करन नाए पणए।

2 कोरिन्थी 10:6

जब तुम झुठा शिक्षनके इन्कार करैगे, और मोके अगुवा मनके मदत करे कहेसे और मूर्तिपुजा नाए करे कहेसे तुम ख्रीष्टमे पुरा आज्ञाकारी होबैगे। और जब जे बात पुरा होमंगे तओ आज्ञा नाए मानन बारे आदमीके दण्ड दओ जाबैगो।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

2 कोरिन्थी 2:1

जहेमारे हुवाँ आएके तुमके दुख नाए देमओं कहिके मए नाए आनको फैसला करो।

गलातियों 5:15

पर अगर तुम लगातार एक-दुस्रेसे लणत रहात हओ, और एक-दुस्रेके परेसान करतए रहात हओ कहेसे होसियार रहओ, तुम एकदुस्रेके बर्बाद मत् करओ।

गलातियों 5:26

हम एक-दुस्रेके सँग घमण्ड करन बारे, गुस्सा करन बारे और ईर्ष्या करन बारो काम नाए करन पणतहए।

याकूब 4:11

हे मेरे बिश्वासी ददाभइयओ, एकदुस्रेके बिरुद्धमे खराब बात मत् बतकाबओ। जौन अपनो भइयाको बिरोध करत हए या भइयाके दोष लगात हए कहेसे बो मोशाको नियम कानुनके बिरोध करत हए। अगर तुम मोशाको नियम कानुनके बिरोध करत हओ कहेसे तुम मोशाको नियम कानुनके पालन करन बारे नाए हुइके मोशाको नियम कानुनके दोष लगान बारे बन्जात हओ।

1 पतरस 2:1

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।