1 पतरस 5:2 - राना थारु नयाँ नियम

² जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

परमेस्वर को सच्चो वचन

² बौ झुंड के बरदिया होन के ताहीं जोकै परमेस्वर तुमकै दई रहै और अपनी इच्छा से बाकी देखाभारी करनो, जैसो कि परमेस्वर तुमकै चाहथै, और अनिच्छा से नाय। अपनो काम, सिरफ दिहाड़ी के ताहीं नाय, बल्कि सेवा करन की सच्ची इच्छा से करौ।

1 पतरस 5:2 ပူးပေါင်းရင်းမြစ်များ

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

प्रेरित 20:29

काहेकी मोके पता हए, कि तुमर बीचमे झुठे शिक्षाक आमंगे और बिश्वासीनके बहुत नुक्सान पुगामंगे। बे उनके चिरडारन बारे बनकुत्ताके समान होमंगे जो भेंणाके मरडारत हएं।

प्रेरित 21:13

पर पावल जबाफ दइ, “तुम काहे अइसे रोएके मिर मनके कमजोर करत हओ? मए यरूशलेम सहरमे बंधन इकल्लो नाए, पर मए प्रभु येशू ख्रीष्टके ताहीं मरनके फिर तयार हओं।”

रोमियों 1:15

जहेमारे मए तुमके फिर, जो रोम सहरमे रहात हओ, अच्छो समाचार परचार करनके बहुत इच्छा हए।

1 कोरिन्थी 9:7

कोइ फिर सैनिक जो सेनामे काम करत हए अपनो तलफसे अपनए नाए तिरत हए। कोइ कभी फिर अंगुर खाए बिना एक अंगुरको बारी नाए लगात हए। कोइ फिर आदमी दुध पिइके बिना, भेंणीनको रेखदेख नाए करत हए।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 3:1

बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।

फिलेमोन 1:14

पर जब तक तए सहमत नाए हुइहए, तबतक मए अइसो नाए करन चाँहत हओं। मए चाँहत हओं, कि तए हियाँ मदत जाकेमारे करए, ताकी तए अइसो करके खुसी होबए, जाकेमारे नाए कि मए तेरे उपर अइसो करनके ताहीं जबरजत्ती करओं।

हिब्रू 12:15

साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।