1 पतरस 4:9 - राना थारु नयाँ नियम

⁹ आदमीनके तुमर घरमे स्वागत करओ और कोइ गुनासो नाए करके अइसे करे करओ।

परमेस्वर को सच्चो वचन

⁹ बिना हिचकिचाय हितुअन को आदर करौ।

1 पतरस 4:9 ပူးပေါင်းရင်းမြစ်များ

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

रोमियों 16:23

गायस फिर तुमके अपनो नमस्कार पठाइ हए। मए बोको घरमे रहात हओं जहाँ मण्डली इकट्ठा होत हए। इरास्तस, जो सहरके ताहीं रुपैयाके मामलाके देखत हए, और हमर भइया क्‍वार्टस तुमके नमस्कार पठाइ हए।

2 कोरिन्थी 9:7

जौनके जित्का देन मन लगत हए, उत्कए देबओ। चित्त दुखाएके कोइके करकापमे पणके मतदेओ काहेकी परमेश्वर त खुसीसे देन बारेनके प्रेम करत हए।

फिलिप्पी 2:14

बिना दिक्काएके और बिना बिबादसे सब काम करओ।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

फिलेमोन 1:14

पर जब तक तए सहमत नाए हुइहए, तबतक मए अइसो नाए करन चाँहत हओं। मए चाँहत हओं, कि तए हियाँ मदत जाकेमारे करए, ताकी तए अइसो करके खुसी होबए, जाकेमारे नाए कि मए तेरे उपर अइसो करनके ताहीं जबरजत्ती करओं।

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

हिब्रू 13:2

याद करओ, परदेशीनके फिर पाहुननके रुपम सत्कार करन पणत हए। काहेकी अइसियए कोइ-कोइ बिना पता पाएके स्वर्गदूतन्के स्वागत करी हएं।

याकूब 5:9

हे मेरे बिश्वासी ददाभइयओ, एकदुस्रेके उपर दोष मत् लगाबओ, ताकी तुम दोषी नाए ठहिरओ। देखओ, न्याय करन बारो बहुत ढिँगै हए, और बा आनके तयारीमे हए।