1 पतरस 1:25 - राना थारु नयाँ नियम

²⁵ पर प्रभुको बचन सदासर्वदा रहो रहात हए।” और तुमके परचार करो भओ अच्छो समाचारको बचन जहेहए।

परमेस्वर को सच्चो वचन

²⁵ लेकिन प्रभु को बचन हमेसा के ताहीं बनो रहथै।” जौ सब्द सुसमाचार है जो तुमकै ऐलान करो गौ रहै।

1 पतरस 1:25 ပူးပေါင်းရင်းမြစ်များ

मत्ती 5:18

काहेकी मए तुमसे कहात हओं बादर और पृथ्वी खतम होन तक, मोशाको नियम कानुनमे सब कुछ हए, हियाँतककी सबसे छोटीसे छोटी बात फिर, तबतक प्रभावमे रहाबैगो, जब तक अगम्बक्तनको उदेश्य पुरा होबैगो।

लूका 16:17

बादर और पृथ्वी अलोप हुइजएहए, पर परमेश्वरको नियम कानुनकी एकौ बात फिर कभी खारेज नाए हुइहए।

यूहन्ना 1:1

जा पुरो संसारको सृष्टि होनसे पहिले एक जनै रहए जोके बचन कहोजात हए, और बचन परमेश्वरके सँग रहए, और बचनए परमेश्वर रहए।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

1 कोरिन्थी 2:2

काहेकी मए जा मानलओ रहओं, कि मए सिर्फ येशू ख्रीष्ट और क्रूसमे बाको मृत्युके बारेमे मस्कत हओं।

इफिसियों 2:17

और ख्रीष्ट आएके, परमेश्वरसे दुर रहे गैर-यहूदीनके और परमेश्वरके ढिँगै रहे यहूदीनके, दुनौ जनैके मेलमिलापको अच्छो समाचार परचार करी।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

तीतुस 1:3

अब बिरकुल ठिक समयमे, परमेश्वर जा अच्छो समाचारके हमरे अग्गु प्रकट करी, और हम जाको परचार सबके बीचमे करत हएं। परमेश्वर हमर मुक्तिदाता जा आज्ञा दइके, मोके जिम्मेदारी दइ, कि मए बाके ताहीं जा काम करओं।

हिब्रू 6:5

बे अनुभव करीं, कि परमेश्वरको सन्देश अच्छो हए और बे भबिष्यमे आन बारो समयको शक्ति अनुभव करी हएं।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 पतरस 1:19

जहेमारे हम अगमबक्तनके द्वारा लिखेभए पबित्र-शास्त्रमे औ जद्धा भरोसा करत हएं। अगर तुम जा सन्देशमे ध्यान दए कहेसे तुम अच्छो काम करैगे, काहेकी जा सुबेरे नाए होनतक अन्धकारमे चमकतए रहान बारो दिया कता हए, और सुबेरेको तारा संसारमे ज्योति लाओ कता, ख्रीष्टको ज्योति तुमर हृदयमे चम्कैगो।

1 यूहन्ना 1:1

हम बा आदमीके बारेमे लिखरहे हएं। जो जीबनको बचन हए, जा पुरो संसारको सृष्टि होनसे पहिले बचन रहए, जौनके हम सुने, और जौनके अपनी आँखीसे देखे, और जौनके हम ध्यानसे देखे और हातसे छुए।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

प्रकाश 14:6

और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।