1 कोरिन्थी 9:27 - राना थारु नयाँ नियम

²⁷ मए अपनो शरीरके काबु करत हओं, ताकी मए दुस्रेनको खराब अभिलाषन्के अनुसार नाए चलओं। कहुँ अइसो नाए होए, कि मए जो दुस्रेनके अच्छो समाचारको परचार करत हओं, और मए अपनए इनाम नाए पामओं।

परमेस्वर को सच्चो वचन

²⁷ लेकिन मैं अपनी सरीर कै मारत कूटत, और बस मैं लाथौं; ऐसो ना होबै की औरन कै प्रचार करकै, मैं अपने आपै कोई रीति से निकम्मो ठहरौं।

1 कोरिन्थी 9:27 ပူးပေါင်းရင်းမြစ်များ

लूका 18:5

तहुँफिर जा बिधुवा मोके परेसान करे रहात हए, जहेमारे मए बिधुवाको न्याय करदेमंगो, कहुँ अइसो नाएहोए कि घरी-घरी आएके अन्तमे मोके दिक्क लग्बाबए।’”

लूका 9:25

काहेकी अगर कोइ मनै संसारके सब चीज पाएके धनी बन्जएहए। पर बो परमेश्वरके सँग सदाकालको जीबनको मौका गुमाए देहए कहेसे बोके का फाइदा हुइहए? कुछु फिर नाए

प्रेरित 1:25

और बो जा सेवा और ख्रीष्टसे चुनेभए चेलाको पद लइ, जोसे मुक्ति हुइके यहूदा इस्करियोत अपनो नियुक्त करो भओ ठाउँमे चलो गओ”

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

1 कोरिन्थी 8:13

जहेमारे, अगर मूर्तिनके चढाओ भओ खानु खानसे दुस्रो बिश्वासी भइयाको बिश्वास बन्द होनको कारण बनातहए, तओ मए उइसो खानु नाए खामंगो, ताकी मए दुस्रे बिश्वासीनको बिश्वास बन्द होनको कारण नाए बनओं।

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

2 कोरिन्थी 11:27

बहुत मेहेनत करो और दुख सहो, और मए कैयौं रात नाए सोओ, भुँखेमे और प्यासेमे, बारम्बार भोखमरीमे, ठण्डी और नंगतामे पणो।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

2 तिमोथी 2:22

जहेमारे, बे पापी इच्छनसे बच, जो जवान आदमीनके आकर्षित करत हए और जो शुद्ध मनसे प्रभुको नाउँ लेतहए, और उनके सँग परमेश्वरके अग्गु ठिक ठहिरन बाली बातके, बिश्वासके, प्रेमके, और जो शुद्ध मनसे प्रभुकी आराधना करत हए, उन्हिनके सँग लग।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

2 पतरस 2:15

बे ठिक काम करन बन्द करदइ हएं, और बे बहे गलत काम करन सुरु करी हएं, जो बओरके लौंणा बालाम बहुत समय पहिले करी रहए। बो गलत काम करके रुपैया कमानके मन पणाइ।