1 कोरिन्थी 6:19 - राना थारु नयाँ नियम

¹⁹ तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

परमेस्वर को सच्चो वचन

¹⁹ का तुम नाय जानथौ, कि तुमरो सरीर पवित्र आत्मा को मंदिर है, जो तुम मैं बसो भौ है और तुमकै परमेस्वर के घाँईं से मिलो है? और तुम अपने नाय हौ, लेकिन परमेस्वर हौ;

1 कोरिन्थी 6:19 ပူးပေါင်းရင်းမြစ်များ

यूहन्ना 2:21

पर येशू जौन मन्दिरके बारेमे बतात रहए, बो बाकी शरीर रहए।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

1 कोरिन्थी 6:3

तुमके पता हए, कि भबिष्यमे हम शैतानको दूतनको न्याय करंगे, तओ निश्चित रुपसे हम जा जीबनको मामलाके न्याय कर सकत हएं।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

2 कोरिन्थी 6:16

मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

याकूब 4:5

का तुम जा सम्झत हओ, कि पबित्र-शास्त्र अइसो कहात हए, “हमरे भितर परमेश्वरको धरो भओ आत्माके ताहीं बा बहुत बडो इच्छासे चाहना करत हए?”